‘அன்பில் அவன்’ வெற்றியைக் கொண்டாடிய படக்குழு… நன்றி தெரிவித்து பத்திரிகையாளர்களைச் சந்தித்தனர்

deccanwebtv Oct 9, 2026

ஐங்கரன் இன்டர்நேஷனல் (Ayngaran International)  மற்றும் ஹேப்பி ஹை பிக்சர்ஸ் (Happy High Pictures ) நிறுவனங்கள் இணைந்து தயாரித்த, அசோக் செல்வன் – ப்ரீத்தி முகுந்தன் நடிப்பில், இயக்குநர் ஆர். கார்த்திகேயன் இயக்கத்தில் வெளியான ‘அன்பில் அவன்’ திரைப்படம் ரசிகர்களின் ஆதரவுடன் திரையரங்குகளில் வரவேற்பைப் பெற்று வருகிறது. இப்படத்தின் வெற்றியைக் கொண்டாடும் வகையில் படக்குழுவினர் நன்றி தெரிவிக்கும் நிகழ்ச்சியை நடத்தினர்.

இந்த நிகழ்வில் படக்குழுவினர் பத்திரிகை மற்றும் ஊடக நண்பர்களை நேரில் சந்தித்து, திரைப்படத்திற்கு ஆதரவளித்ததற்கும் ரசிகர்களிடம் படத்தைக் கொண்டு சேர்த்ததற்கும் நன்றி தெரிவித்தனர். நிகழ்ச்சியில் இயக்குநர் கார்த்திகேயன், நடிகர்கள் அசோக் செல்வன், ப்ரீத்தி முகுந்தன், கதிர்பாலு,மஹா டெல்லி கணேஷ் உள்ளிட்டோர் கலந்துகொண்டு படத்தின் உருவாக்க அனுபவங்களையும், ரசிகர்களிடம் கிடைத்த வரவேற்பையும் பகிர்ந்துகொண்டனர்.

இந்நிகழ்வில், ஹேப்பி ஹை பிக்சர்ஸ் நிறுவனத்தின் நிறுவனர் அபிநயா செல்வம் பேசியதாவது:

‘அன்பில் அவன்’ படத்துக்கு இவ்வளவு பெரிய ஆதரவு கொடுத்த பத்திரிகையாளர்கள், ஊடக நண்பர்கள் மற்றும் ரசிகர்கள் அனைவருக்கும் என் மனமார்ந்த நன்றி. படம் வெளியான முதல் நாளிலிருந்து வார இறுதி நாட்களில் கிடைத்த வரவேற்பு எங்களுக்கு மிகுந்த மகிழ்ச்சியைக் கொடுத்தது. உங்கள் ஆதரவுதான் இந்தப் படத்தை இன்னும் அதிகமான மக்களிடம் கொண்டு சென்றிருக்கிறது.

இந்தப் படத்தில் நடித்த அசோக் செல்வன், ப்ரீத்தி முகுந்தன், கதிர், மகா, ஆகாஷ், பிரவீன் உள்ளிட்ட அனைவருக்கும் நன்றி. எழுத்தாளர் விக்னேஷ், இயக்குநர் கார்த்திக், ஒளிப்பதிவாளர் கௌதம் ராஜேந்திரன், இசையமைப்பாளர் கோவிந்த் வசந்தா, எடிட்டர் செல்வா உள்ளிட்ட தொழில்நுட்பக் கலைஞர்கள் அனைவரும் தங்களுடைய சிறந்த உழைப்பைக் கொடுத்திருக்கிறார்கள்.

இந்தப் படத்தின் உருவாக்கத்தில் துணை நின்ற நிர்வாகத் தயாரிப்பாளர் சேது, PRO யுவராஜ், விளம்பர மற்றும் டிஜிட்டல் குழுவினர், விநியோகஸ்தர்களான ஸ்ரீ குமரன் ஃபிலிம்ஸ் மற்றும் திருமுருகன் உள்ளிட்ட அனைவருக்கும் என் நன்றியைத் தெரிவித்துக்கொள்கிறேன். திரையரங்கு உரிமையாளர்களின் ஆதரவும் இந்தப் படத்தின் பயணத்தில் முக்கியமானது.

‘அன்பில் அவன்’ படத்தைப் பற்றிய நல்ல கருத்துகள் தொடர்ந்து வந்துகொண்டிருக்கின்றன. இந்தப் படத்தை இந்தியில் ரீமேக் செய்வது குறித்த பேச்சுவார்த்தைகளும் நடைபெற்று வருகின்றன; தெலுங்கிலும் ரீமேக் செய்யத் திட்டமிட்டிருக்கிறோம். எங்கள் படத்துக்கு ஆதரவு கொடுத்த அனைவருக்கும் மீண்டும் நன்றி. தொடர்ந்து உங்கள் ஆதரவைத் தாருங்கள்.

தயாரிப்பாளர் மற்றும்  டைரக்டர் ஆப்  ப்ரமோஷன்ஸ் கவிதா பேசியதாவது:

பத்திரிகையாளர்கள், ஊடக நண்பர்கள், ரசிகர்கள் மற்றும் பார்வையாளர்கள் அனைவருக்கும் நன்றி. ஒரு திரைப்படத்தை உருவாக்குவதில் தயாரிப்புக் குழு எந்த அளவுக்கு முக்கியமோ, அதே அளவுக்கு விளம்பரப் பணிகளும் மிகவும் முக்கியமானவை.

‘அன்பில் அவன்’ திரைப்படம் வெளியானதிலிருந்து இன்று வரை, ஒவ்வொரு நாளும் திரையரங்குகளின் எண்ணிக்கையும் காட்சிகளின் எண்ணிக்கையும் அதிகரித்து வருகின்றன. ரசிகர்களிடமிருந்து கிடைத்த ஆதரவும், நடிகர்கள் உள்ளிட்ட பலரும் படத்தைப் பற்றி பகிர்ந்துகொண்ட விமர்சனங்கள், செய்திகள் மற்றும் தகவல்களும் எங்களுக்கு மிகுந்த நம்பிக்கையை அளித்துள்ளன. குறிப்பாக, சனிக்கிழமைக்குப் பிறகு படத்தைப் பற்றிய செய்திகள் தொடர்ந்து வரத் தொடங்கியதும் எங்களுக்கு மிகுந்த உற்சாகம் ஏற்பட்டது.

இந்தப் படத்தை இன்னும் சிறப்பாக மக்களிடம் கொண்டு சேர்ப்பதற்காகத் தொடர்ந்து பணியாற்றி வருகிறோம். என்னுடன் இணைந்து பணியாற்றிய மங்க்,சித் உள்ளிட்ட விளம்பரக் குழுவினர், வெளிப்புற விளம்பரப் பணிகளை மேற்கொண்டவர்கள், செய்தித்தாள்கள், போஸ்டர்கள் மற்றும் சுவர் விளம்பரங்களை உருவாக்கியவர்கள் என அனைவரும் மிகுந்த அர்ப்பணிப்புடன் பணியாற்றியிருக்கிறார்கள். ஒவ்வொரு பணியையும் சிறப்பாகச் செய்வதற்காக அனைவரும் இணைந்து செயல்பட்டது மகிழ்ச்சியளிக்கிறது.

இந்தப் பயணத்தில் எங்களுக்கு ஆதரவளித்த அனைவருக்கும் மனமார்ந்த நன்றி. தொடர்ந்து எங்களுக்கு ஆதரவளியுங்கள். நன்றி.

கலை இயக்குநர் மணிகண்டன் பேசியதாவது:

“இந்தப் படத்தில் பணியாற்றியது எனக்கு நல்ல அனுபவமாக இருந்தது. ஏற்கெனவே மூன்று படங்களில் பணியாற்றிய அனுபவம் இருந்தாலும், இந்தப் படத்தில் பணியாற்றுவதற்கு வாய்ப்பளித்த அனைவருக்கும் நன்றி. ஆரம்பத்தில் வேறொரு ஆர்ட் டைரக்டர் இந்தப் படத்தில் பணியாற்றினார். அவர் உடல்நலக் குறைவு காரணமாகத் தொடர்ந்து பணியாற்ற முடியாத சூழல் ஏற்பட்டது. அதற்குப் பிறகு அசோக் சார் என்னைத் தொடர்பு கொண்டு இந்தப் படத்தில் பணியாற்றச் சொன்னார்.

இப்படத்தில் எனக்கு நல்ல பணிச்சூழல் அமைந்தது. மூணாறில் படமாக்க வேண்டிய பல செட்களை சென்னையிலேயே அமைத்து, செலவுகளையும் குறைத்தோம். இந்தப் படத்திற்காகப் பல செட்களை உருவாக்கியிருந்தோம். கேமராமேன் எனக்கு மிகவும் ஆதரவாக இருந்தார். நான் உருவாக்கிய செட்களை அழகாகப் படமாக்கியிருந்தார். இயக்குநர் உள்ளிட்ட அனைவரும் எனக்கு நல்ல பணிச்சூழலை ஏற்படுத்திக் கொடுத்தார்கள். அனைவருக்கும் மிக்க நன்றி” என்றார்.

காஸ்ட்யூம் டிசைனர் பெனிடா பேசியதாவது:

“இந்தப் படம் தான் என்னுடைய முதல் படம். இதில் பணியாற்றியது எனக்கு மிகச் சிறந்த கற்றல் அனுபவமாக இருந்தது. அனைவரும் இணைந்து பணியாற்றிய விதம் மிகவும் மகிழ்ச்சியாக இருந்தது. இந்த வாய்ப்பை வழங்கிய இயக்குநர் கார்த்திக் சார், அசோக், ப்ரீத்தி ஆகியோருக்கு நன்றி. அவர்கள் அனைவரும் மிகவும் ஒத்துழைப்புடன் பணியாற்றக்கூடிய நடிகர்கள். அவர்களுக்கான ஆடைகளை வடிவமைத்தது எனக்கு அருமையான அனுபவமாக இருந்தது. படத்தில் நடித்த மற்ற நடிகர்கள் மற்றும் ஒட்டுமொத்தப் படக்குழுவினருக்கும் நன்றி.

எனக்கு ஆதரவளித்த அனைவருக்கும், அபி மேடத்திற்கும் நன்றி. தயாரிப்பு வடிவமைப்பாளர் மணி அண்ணா மற்றும் ஒளிப்பதிவாளர் கௌதம் ஆகியோர் படத்தின் தொடக்கம் முதல் எனக்குப் பெரிய ஆதரவாக இருந்தார்கள். இந்தப் படத்தின் மூலம் பல நல்ல நண்பர்களையும் பெற்றிருக்கிறேன். அது எனக்கு மிகவும் மகிழ்ச்சியான விஷயம். அனைவருக்கும் மிக்க நன்றி” என்றார்.

ஸ்டன்ட் மாஸ்டர் பீட்டர் ஹெய்ன் மகன் கிரண் ஹெய்ன் பேசியதாவது:

“இங்கு வந்திருக்கும் அனைவருக்கும் வணக்கம். இந்த நிகழ்ச்சியில் இப்படிப் பேசுவோம் என்று நாங்கள் எதிர்பார்க்கவில்லை. ஆனால், பத்திரிகையாளர்கள் இந்தப் படத்திற்கு ஆதரவளிப்பதைப் பார்ப்பது மகிழ்ச்சியாக இருக்கிறது. அதேபோல், எங்கள் குடும்பத்தினர் அனைவரும் இங்கு வந்து படத்திற்கு ஆதரவு அளிப்பதும் சந்தோஷமாக இருக்கிறது. நாங்கள் இருவரும் கொஞ்சம் கூச்ச சுபாவம் கொண்டவர்கள் என்பதால், இதற்காகத் தயாராகி வரவில்லை.

இந்தப் படக்குழுவினர் அனைவரும் இவ்வளவு அன்புக்கும் பாராட்டுக்கும் தகுதியானவர்கள். ஒவ்வொருவரும் இந்தப் படத்திற்காகக் கடுமையாக உழைத்திருக்கிறார்கள். அவர்களுடைய உழைப்பை மக்கள் பாராட்டுவதையும் ஆதரவு அளிப்பதையும் பார்க்கும்போது மகிழ்ச்சியாக இருக்கிறது. பத்திரிகையாளர்கள் இந்தப் படத்தைப் பற்றி மக்களிடம் கொண்டு சேர்த்து, இன்னும் அதிகமான பார்வையாளர்கள் திரையரங்குகளுக்கு வந்து படத்தைப் பார்க்க உதவ வேண்டும் என்று விரும்புகிறேன். நன்றி” என்றார்.

கிரியேட்டிவ் புரொடியூசர் ஆப்ரஹாம் பேசியதாவது:

“இப்படம் பற்றி ரசிகர்கள் தொடர்ந்து எங்களுக்கு வாழ்த்துச் செய்தி அனுப்பி வருகிறார்கள். இதுபோன்ற பல நூற்றுக்கணக்கான செய்திகள் எங்களுக்கு தினமும் கிடைத்து வருகின்றன.

ஹேப்பை ஹை பிக்சர்ஸ் ஆரம்பித்தபோது அசோக்கும் அபியும் மகிழ்ச்சியுடன் இந்தப் பயணத்தில் எங்களுடன் இணைந்தார்கள். திரையரங்கில் படம் முடிந்தவுடன் பார்வையாளர்கள் அதை மறந்துவிடக் கூடாது, வீட்டிற்குச் சென்ற பிறகும் படத்தைப் பற்றி யோசிக்க வேண்டும், பேச வேண்டும், ஏதோ ஒரு வகையில் அந்தப் படத்தைத் தங்களுடைய வாழ்க்கையுடன் தொடர்புபடுத்திப் பார்க்க வேண்டும் என்பதுதான் தயாரிப்பில் எங்களுடைய நோக்கம். கடந்த இரண்டு ஆண்டுகளில் இந்தப் படத்தை உருவாக்குவதற்காகப் பல சவால்களைச் சந்தித்தோம். இருந்தாலும், அசோக்கும் அபியும் இந்தப் படத்தின் மீது நம்பிக்கை வைத்து, அனைத்தையும் பணயம் வைத்து எங்களுடன் நின்றார்கள். எனக்குத் தனிப்பட்ட முறையில், ரசிகர்களிடமிருந்து கிடைக்கும் இதுபோன்ற உணர்வுபூர்வமான செய்திகள் தான் மிகப்பெரிய வெற்றி. அன்பையும் மரியாதையையும் விலைக்கு வாங்க முடியாது; அதை நம்முடைய உழைப்பால் சம்பாதிக்க வேண்டும். அந்த வகையில், ரசிகர்கள் எங்கள் மீது காட்டும் அன்பும் ஆதரவும் மிகுந்த மகிழ்ச்சியை அளிக்கிறது.

திரையரங்குகளின் எண்ணிக்கையும் காட்சிகளும் நாளுக்கு நாள் அதிகரித்து வருகின்றன. அதன் மூலம் படத்தின் வருவாயும் அதிகரிக்கும் என்று நம்புகிறோம். ஆனால், ‘அன்பில் அவன்’ படத்தின் வெற்றியை வெறும் வருவாயுடன் மட்டும் சுருக்கிவிட முடியாது. சினிமாவையும் வசூல், மதிப்பீடுகள் ஆகியவற்றுடன் மட்டும் ஒப்பிட்டுப் பார்க்கக் கூடாது. ஒரு திரைப்படம் மனிதர்களிடையே ஏற்படுத்தும் தாக்கமும், கலாச்சார ரீதியாக உருவாக்கும் உரையாடல்களும் மிகவும் முக்கியமானவை. ‘மண்டாடி’, ‘பத்தா’, ‘மீசைய முறுக்கு 2’, ‘ஏழு கடல் ஏழு மலை’ உள்ளிட்ட நல்ல படங்களுடன் இணைந்து திரையரங்குகளில் எங்கள் படமும் வெளியாகியிருப்பது மகிழ்ச்சியளிக்கிறது. இந்தப் படங்கள் அனைத்தும் தமிழ் சினிமாவின் எல்லைகளை விரிவுபடுத்துகின்றன. எங்களுடைய முதல் தயாரிப்பில் உருவான திரைப்படத்தை மக்கள் இன்றும் நினைவுகூர்வதைப் போல, காதல் மற்றும் திருமணம் குறித்துப் பேசும்போதெல்லாம் ‘அன்பில் அவன்’ படமும் நினைவுகூரப்படும் என்று நம்புகிறேன்.

காதலிப்பவர்கள், காதலிக்க விரும்புபவர்கள், காதலித்துத் திருமணம் செய்துகொள்பவர்கள், திருமணத்திற்குப் பிறகும் காதலைப் பாதுகாக்க நினைப்பவர்கள் என அனைவருக்குமான படம் இது. அதேபோல், தங்களுடைய கனவுகளுக்காகக் காதலை இழந்துவிடக் கூடாது என்றும், காதலுக்காகத் தங்களுடைய கனவுகளைத் தொலைத்துவிடக் கூடாது என்றும் நினைப்பவர்களும் இந்தப் படத்துடன் தொடர்புபடுத்திக்கொள்ள முடியும். தொடர்ந்து திரையரங்குகளில் ஓடிக்கொண்டிருக்கும் ‘அன்பில் அவன்’ படத்தை அனைவரும் திரையரங்கிற்குச் சென்று பாருங்கள். படம் உங்களைச் சிரிக்க வைக்கும், அழ வைக்கும்; சில விஷயங்களில் உடன்பட வைக்கும், சிலவற்றில் மாறுபடவும் வைக்கும். ஆனால், படம் முடிந்து வெளியே வரும்போது அந்தப் படத்தை உங்களுடன் வீட்டிற்குக் கொண்டு செல்வீர்கள். இந்தப் படத்தை நினைத்து நான் மிகவும் பெருமைப்படுகிறேன். நன்றி” என்றார்.

எக்ஸிகியூட்டிவ் புரொடியூசர் சேது பேசியதாவது..,

“இந்தப் படத்திற்காக உழைத்த அனைவருக்கும் எனது மனமார்ந்த நன்றியைத் தெரிவித்துக்கொள்கிறேன். இந்த நிகழ்வில் கலந்துகொண்டு எங்களுக்கு ஆதரவளித்த அனைவருக்கும், படக்குழுவினர் அனைவருக்கும் எனது நன்றிகள்”.

இயக்குநர் கார்த்திகேயன் பேசியதாவது..,

ஆரம்பத்திலிருந்து எங்களுக்கு ஆதரவளித்து வரும் பத்திரிகை மற்றும் ஊடக நண்பர்கள் அனைவருக்கும் நன்றி. ரசிகர்கள் படத்துடன் உணர்வுபூர்வமாகத் தொடர்புபடுத்திக்கொண்டு தங்களுடைய அனுபவங்களைப் பகிர்ந்துகொள்வது மகிழ்ச்சியாக இருக்கிறது. தயாரிப்பாளர்களுக்கு லாபம் கிடைப்பதுடன், நாம் உருவாக்கிய படம் மக்களிடம் சரியாகச் சென்றடைவதும் முக்கியம். ‘அன்பில் அவன்’ படத்தைப் பொறுத்தவரை இந்த இரண்டு விஷயங்களும் நடந்திருக்கின்றன. குறிப்பாக, குடும்பத்தை நேசிக்கும் ஆண்களைப் பற்றியும் கதாபாத்திரங்கள் ஏற்படுத்திய தாக்கத்தைப் பற்றியும் ரசிகர்கள் பகிர்ந்துகொள்ளும் கருத்துகள் எங்களை நெகிழச் செய்கின்றன.

இந்தப் படத்தில் பணியாற்றிய தொழில்நுட்பக் கலைஞர்கள், இயக்குநர் குழுவினர், ஆர்ட் டைரக்டர் மணிகண்டன் ஸ்ரீனிவாசன், காஸ்ட்யூம் டிசைனர் பினிட்டா ராமநாதன், மக்கள் தொடர்பாளர் யுவராஜ், விளம்பரக் குழுவினர் என அனைவருக்கும் நன்றி. திங்க் மியூசிக் நிறுவனத்தினரும் இந்தப் படத்திற்குத் தொடர்ந்து ஆதரவளித்தனர். நடிகர்கள் அசோக் செல்வன், ப்ரீத்தி முகுந்தன் உள்ளிட்ட அனைவரும் தங்களுடைய சிறந்த பங்களிப்பைக் கொடுத்திருக்கிறார்கள். குறிப்பாக, ப்ரீத்தியின் நடிப்பும் இறுதிக்காட்சிகளில் அவர் வெளிப்படுத்திய உணர்வுகளும் பாராட்டுக்குரியவை.

அசோக் அண்ணா இந்தப் படத்தை என்னிடம் ஒப்படைத்தபோது மிகப்பெரிய பொறுப்பை உணர்ந்தேன். விக்னேஷ் ராஜ் எழுதிய கதையைத் திரைக்கதையாகச் செம்மைப்படுத்துவதற்கும், அதைத் திரையில் சிறப்பாகக் கொண்டுவருவதற்கும் உதவிய அனைவருக்கும் நன்றி. ஒரு நல்ல தயாரிப்பு நிறுவனத்தின் ஆதரவு புதிய இயக்குநர்களுக்கு மிகவும் முக்கியம். இந்தப் படத்தின் திரைக்கதையைப் பலரும் பாராட்டுவது மகிழ்ச்சியளிக்கிறது. பல இயக்குநர்கள் படத்தைப் பார்த்துவிட்டு பாராட்டியதும் எங்களுக்கு ஊக்கமளிக்கிறது.

என் வாழ்க்கையில் என் தந்தை எனக்கு வழிகாட்டியதைப் போல, சினிமாவில் அசோக் அண்ணா எனக்கு வழிகாட்டியிருக்கிறார். நான் எழுதிய முதல் திரைக்கதையை அவரிடம் கொடுத்தபோது, அதை வாசித்துவிட்டு மறுநாளே மிகவும் பிடித்திருப்பதாகத் தெரிவித்தார். அது எனக்குப் பெரிய நம்பிக்கையைக் கொடுத்தது. புதிய இயக்குநர்களுக்கு வாய்ப்பளித்து, அவர்கள் பயணிப்பதற்கான பாதையை உருவாக்கித் தருகிறார். நான் கேட்டதைவிட அதிகமாகவே இந்தப் படத்திற்காகச் செய்து கொடுத்திருக்கிறார். அவருக்கு மனமார்ந்த நன்றி. இந்தப் படத்தில் பணியாற்றியதையும், அவருடைய வெற்றிப் பயணத்தில் ஒரு பகுதியாக இருந்ததையும் பெருமையாகக் கருதுகிறேன்.

 மஹா டெல்லி கணேஷ் பேசியதாவது…

“முதலில் அனைவருக்கும் நன்றி தெரிவித்துக்கொள்கிறேன். அசோக், உங்களுக்கு மிகப் பெரிய நன்றி. இந்தப் படம் என் வாழ்க்கையில் எவ்வளவு முக்கியமானது, எனக்கு எந்த அளவுக்கு மாற்றத்தை ஏற்படுத்தியிருக்கிறது என்பது என் குடும்பத்தினருக்குத்தான் தெரியும். அதற்கு முக்கியக் காரணமாக இருந்த உங்களுக்கு என் மனமார்ந்த நன்றி.

இயக்குநருக்கும் மிகப் பெரிய நன்றி. உங்களிடம் நிறைய விஷயங்களைச் சொல்லியிருக்கிறேன். உங்களைப் பற்றி இன்னும் நிறையப் பேச வேண்டும். ஆனால், நேரம் கருதி சுருக்கமாக முடித்துக்கொள்கிறேன். ப்ரீத்தி, நீங்கள் எனக்குக் கொடுத்த ஆதரவு எவ்வளவு முக்கியமானது என்பது எனக்கு மட்டும்தான் தெரியும். நீங்கள் அளித்த ஒத்துழைப்புக்கு ரொம்ப ரொம்ப நன்றி.

அபி, உங்களுக்கும் மிகப் பெரிய நன்றி. நீங்கள் நடிகர்கள் அனைவரிடமும் மிகவும் அன்பாக நடந்துகொள்வதுடன், தொடர்ந்து எங்களுக்கு ஆதரவாகவும் இருக்கிறீர்கள். எங்கள் அனைவருக்கும் நீங்கள் அளித்த ஆதரவுக்கு நன்றி. படக்குழுவில் உள்ள மற்ற அனைவருக்கும் எனது நன்றியைத் தெரிவித்துக்கொள்கிறேன்.

என்னுடன் பணியாற்றிய பெண்கள் அனைவருக்கும் எனது வாழ்த்துகள். நீங்கள் உருவாக்கும் படங்கள் அனைத்தும் பெரிய வெற்றிப் படங்களாக மாற வேண்டும் என்று வாழ்த்துகிறேன். இறுதியாக, இங்கு வந்திருக்கும் எனது அம்மாவுக்கும் நன்றி தெரிவித்துக்கொள்கிறேன்.”

நடிகர் கதிர் பாலு பேசியதாவது..,

முதலில் என் பெற்றோருக்கும் வந்திருக்கும் அனைவருக்கும் நன்றி.  என் குரு பி. வாசு சாருக்கும், வழிகாட்டி ராதாரவி அண்ணனுக்கும், எனக்கு ஆதரவளித்த அனைவருக்கும் நன்றி. ‘அன்பில் அவன்’ என் வாழ்க்கையிலும் திரைப்பயணத்திலும் முக்கியமான படம். என் அப்பாவைப் போல இயக்குநராக வேண்டும் என்ற கனவுடன் தான் சினிமாவுக்கு வந்தேன். இன்றும் அந்தக் கனவு என்னுள் இருக்கிறது. இந்தப் பயணத்தில் எனக்கு ஆதரவளித்த அன்பில் அவனுக்கு நன்றி.

இயக்குநர் கார்த்திகேயன், மகேஷ் உள்ளிட்டவர்கள் என்னுடைய நடிப்பில் புதிய மாற்றத்தைக் கொண்டுவர உதவியிருக்கிறார்கள். இந்தப் படத்தில் பணியாற்றிய தொழில்நுட்பக் கலைஞர்கள், உதவி இயக்குநர்கள் மற்றும் தயாரிப்பு நிர்வாகக் குழுவினர் அனைவருக்கும் நன்றி. படப்பிடிப்பில் அவர்கள் காட்டிய உழைப்பையும் அர்ப்பணிப்பையும் நேரில் பார்த்திருக்கிறேன்.

இதுவரை பல கதாபாத்திரங்களில் நடித்திருந்தாலும், ‘அன்பில் அவன்’ எனக்கு ஒரு புதிய அடையாளத்தைக் கொடுத்திருக்கிறது. வில்லன் கதாபாத்திரத்தை வெறுமனே கத்திப் பேசாமல், நடிப்பின் மூலம் எப்படிக் கொண்டு செல்லலாம் என்பதை இந்தப் படம் கற்றுக்கொடுத்தது. வழக்கமான பாணியிலிருந்து வித்தியாசமாக ஏதாவது செய்ய வேண்டும் என்பதற்காகவே அசோக் செல்வன் சார் எனக்கு இந்த வாய்ப்பைக் கொடுத்தார். திறமை இருந்தும் வாய்ப்புக்காகக் காத்திருப்பவர்களுக்கு அவர் ஆதரவளிப்பது பாராட்டுக்குரியது.

மாஸ்டர் பீட்டர் ஹெய்ன் அவர்களுடன் பணியாற்றிய அனுபவத்தையும் மறக்க முடியாது. இரவு முதல் மறுநாள் காலை வரை குளிரில் சண்டைக் காட்சிகளில் நடித்தது மறக்க முடியாத அனுபவம். படப்பிடிப்பில் அசோக் சார் எனக்கு உதவியாக இருந்தார். இந்தப் படத்தின் மூலம் கிடைத்த அனுபவமும் அங்கீகாரமும் மகிழ்ச்சியளிக்கின்றன. எனக்கு இந்த வாய்ப்பை வழங்கிய அசோக் செல்வன், இயக்குநர் கார்த்திகேயன் உள்ளிட்ட அனைவருக்கும் மனமார்ந்த நன்றி.

நடிகர் ஆகாஷ் பேசியதாவது..,

“முதலில் நான் நன்றி சொல்ல வேண்டியது அசோக் சாருக்குத்தான். என்னுடைய ஒரு ஷார்ட் ஃபிலிம் பார்த்துவிட்டு, இந்தப் படத்தில் நாகராஜ் கதாபாத்திரத்தில் என்னை நடிக்க வைக்க வேண்டும் என்று முதலில் முடிவு செய்தவர் அவர்தான். அடுத்ததாக, என்னுடைய இயக்குநர் கார்த்திகேயன் சாருக்கு நன்றி தெரிவித்துக்கொள்கிறேன். இந்த வாய்ப்பை வழங்கிய இருவருக்கும் எனது மனமார்ந்த நன்றி. என் பெயர் ஆகாஷ் முருகன். ‘அன்பில் அவன்’ படத்தில் நாகராஜ் கதாபாத்திரத்தில் நடித்திருக்கிறேன். இந்த நிகழ்ச்சிக்கு வந்திருக்கும் அனைவருக்கும் எனது நன்றியைத் தெரிவித்துக்கொள்கிறேன்.

நடிகை ப்ரீத்தி முகுந்தன் பேசியதாவது:

“இந்தப் படத்தைப் பற்றி நாங்கள் கடைசியாக மேடையில் பேசுகிறோம் என்று நினைக்கும்போது மிகவும் உணர்ச்சிபூர்வமாக இருக்கிறது. படக்குழுவினர், தொழில்நுட்பக் கலைஞர்கள் என அனைவருக்கும் ஏற்கெனவே நன்றி தெரிவித்துவிட்டேன். இப்போது பத்திரிகை மற்றும் ஊடக நண்பர்களுக்கு நன்றி சொல்ல விரும்புகிறேன். படத்தைப் பற்றிய அனைத்து விமர்சனங்களையும் படித்தேன். படம் எப்படி இருக்கிறது என்பதைத் தாண்டி, அதன் பின்னால் இருக்கும் உழைப்பையும் ஆர்வத்தையும் கவனித்து மிகவும் அழகாக விமர்சனங்களை எழுதியிருந்தீர்கள். அதற்காக உங்கள் அனைவருக்கும் என் மனமார்ந்த நன்றி.

படம் வெளியானதிலிருந்து ரசிகர்களிடமிருந்து நிறைய செய்திகள் வந்துகொண்டிருக்கின்றன. குறிப்பாகப் பெண்களும் இளம் பெண்களும் தங்களுடைய உணர்வுகளைப் பகிர்ந்துகொண்டது எனக்கு மிகுந்த மகிழ்ச்சியைக் கொடுத்தது. ஒரு திரைப்படம் பார்வையாளர்களின் மனதைத் தொட்டு, அவர்களை உணர்ச்சிவசப்பட வைக்கிறது என்றால், அதுவே மிகப்பெரிய விஷயம். எனக்குப் பிடித்த சில திரைப்படங்கள் என் வாழ்க்கையிலும் மாற்றத்தை ஏற்படுத்தியிருக்கின்றன. அதேபோல, நாங்கள் உருவாக்கிய ஒரு படம் மற்றவர்களின் மனதிலும் அப்படியொரு தாக்கத்தை ஏற்படுத்துகிறது என்றால், அதை ஒரு வரமாகத்தான் பார்க்கிறேன். படத்தைத் திரையரங்கில் பார்த்து, எங்களுடைய உழைப்பைப் பாராட்டி, தங்களுடைய அன்பையும் ஆதரவையும் பகிர்ந்துகொண்ட அனைத்து ரசிகர்களுக்கும் நன்றி.

இந்தப் படத்தை முதன்முதலில் பார்த்த அனுபவம் எனக்கு மிகவும் உணர்ச்சிகரமானதாக இருந்தது. அப்போது எனக்கு ஏற்பட்ட பதற்றத்தால், படத்தைத் தொடக்கத்திலிருந்து திரையரங்கில் அமர்ந்து பார்க்க முடியவில்லை. படம் ஓடிக்கொண்டிருந்தபோது உள்ளே சென்று, பக்கவாட்டுப் படிக்கட்டில் நின்றபடியே பார்க்கத் தொடங்கினேன். இயக்குநர் கார்த்திக், அசோக் உள்ளிட்ட படக்குழுவினரும் அப்போது என்னுடன் இருந்தார்கள். அப்படியே சுமார் ஒன்றரை மணி நேரம் நின்றுகொண்டே முழுப் படத்தையும் பார்த்தேன். அப்போது கண்களில் கண்ணீர் வந்தது. படம் எப்படிப்பட்ட வரவேற்பைப் பெறும் என்பதைத் தாண்டி, நாங்கள் உருவாக்கிய படத்தைப் பார்த்து மிகவும் பெருமையாகவும் மகிழ்ச்சியாகவும் உணர்ந்தேன். அவ்வளவு உணர்வுப்பூர்வமாகவும் அழகாகவும் படம் அமைந்திருந்தது. ஒரு நடிகையாக இப்படிப்பட்ட திரைப்படத்தில் நடிப்பது உண்மையிலேயே ஒரு வரம். எதிர்காலத்தில் இந்தப் படத்தைத் திரும்பிப் பார்க்கும்போதும், இதில் நடித்ததற்காகப் பெருமைப்படுவேன்.

இந்தப் படத்தின் காட்சியமைப்பும் ஒளிப்பதிவும் மிகவும் அழகாக இருந்தன. ஒவ்வொரு காட்சியிலும் இருக்கும் பரபரப்பு, உணர்வுகள், காதல் என அனைத்தையும் திரையரங்கில் அமர்ந்து உணர முடிந்தது. ஒரு சிறந்த சினிமா அனுபவத்தை இந்தப் படம் கொடுத்திருக்கிறது. இந்தப் படத்தில் எனக்குக் கிடைத்த வாய்ப்புக்காக இயக்குநர் கார்த்திக்கிற்கு நன்றி சொல்ல வேண்டும். எனக்கு நடிப்பதற்கு நிறைய இடம் கொடுத்து, என்னுடைய கதாபாத்திரத்தையும் அழகாக எழுதியிருந்தார். குறிப்பாக, இன்ஸ்பெக்டர் கதாபாத்திரத்துடன் எனக்கு வரும் காட்சிகளைப் பலரும் பாராட்டினார்கள். அந்தக் காட்சிகளைப் பற்றிப் பலர் சமூக வலைதளங்களில் பகிர்ந்துகொண்டதைப் பார்க்கும்போது மிகவும் மகிழ்ச்சியாக இருந்தது. இந்தப் படம் உண்மையிலேயே மனதைத் தொடும் அழகான சினிமா அனுபவம். எனவே, அனைவரும் திரையரங்கிற்குச் சென்று படத்தைப் பார்த்து எங்களுக்கு ஆதரவளிக்க வேண்டும். மக்கள் படத்தை ரசித்துப் பாராட்டுவதைப் பார்ப்பதில் எனக்கு மிகுந்த மகிழ்ச்சி. உங்கள் அனைவரின் ஆதரவுக்கும் மீண்டும் நன்றி.”

நடிகரும் தயாரிப்பாளருமான அசோக் செல்வன் பேசியதாவது:

“இந்தப் படத்தை வெற்றிப் படமாக்கிய மக்களுக்கு முதலில் நன்றி. ‘ஓ மை கடவுளே’ உள்ளிட்ட படங்களுக்கு மக்கள் கொடுத்த ஆதரவுதான் எனக்கு மிகப்பெரிய பலம். அந்த வரிசையில் ‘அன்பில் அவன்’ படத்தையும் பார்க்கிறேன். காதல் கதையாகத் தொடங்கி, த்ரில்லர், ஆக்‌ஷன் எனப் பல ஜானர்களில் பயணிக்கும் வகையில் இந்தப் படத்தை உருவாக்கியிருக்கிறோம். படம் பார்த்துப் பலர் உணர்ச்சிவசப்பட்டதாகக் கூறுகிறார்கள். இந்தப் படத்தில் சில குறைகள் இருக்கலாம். ஆனால், இதன் இதயமும் ஆன்மாவும் சரியான இடத்தில் இருப்பதாக நம்புகிறேன்.

படம் வெளியானது முதல் பத்திரிகை, ஊடக நண்பர்கள் மற்றும் ரசிகர்கள் அளித்த ஆதரவுக்கு நன்றி. கடும் போட்டிகளுக்கு மத்தியில் வெளியானாலும், படம் தொடர்ந்து வளர்ந்து தற்போது லாபகரமான நிலையை எட்டியிருக்கிறது. இன்னும் பலர் இந்தப் படத்தைத் திரையரங்கில் பார்க்க வேண்டும் என்று விரும்புகிறேன். மற்றவர்களின் விமர்சனங்களை மட்டும் நம்பாமல், படத்தைப் பார்த்து உங்களுடைய கருத்தை நீங்களே முடிவு செய்யுங்கள். இந்தப் படம் பின்னாளில் இன்னும் அதிகமாகப் பேசப்படும் என்ற நம்பிக்கை எனக்கு இருக்கிறது.

இந்தப் படத்தில் பணியாற்றிய நடிகை ப்ரீத்தி முகுந்தன், இயக்குநர் கார்த்திகேயன், ஒளிப்பதிவாளர் கௌதம், இசையமைப்பாளர் கோவிந்த் வசந்தா, பீட்டர் ஹெய்ன் மாஸ்டர் உள்ளிட்ட தொழில்நுட்பக் குழுவினர் அனைவருக்கும் நன்றி. கடந்த இரண்டு ஆண்டுகளாக இந்தப் படத்துக்காக அனைவரும் முழு உழைப்பையும் கொடுத்திருக்கிறோம். எனது பெற்றோர், மனைவி மற்றும் குடும்பத்தினர் அளித்த ஆதரவும் முக்கியமானது. அபி உள்ளிட்ட தயாரிப்புக் குழுவினர், நண்பர்கள், பத்திரிகை மற்றும் ஊடக நண்பர்கள் அனைவருக்கும் என் மனமார்ந்த நன்றியைத் தெரிவித்துக்கொள்கிறேன்.

ஒரு தயாரிப்பாளராக இந்தப் படத்தின் மூலம் திறமையான நடிகர்களுக்கு வாய்ப்பளிக்க முடிந்தது எனக்குப் பெரிய மகிழ்ச்சி. நானும் சினிமாவுக்கு வருவதற்காகப் பல ஆடிஷன்களில் பங்கேற்றிருக்கிறேன். அதனால் திறமையானவர்களுக்குச் சரியான வாய்ப்பு கிடைக்க வேண்டும் என்ற எண்ணம் எனக்குள் எப்போதும் இருந்தது. மஹா, கதிர், ஆகாஷ், பிரவீன், தீபன் உள்ளிட்ட பலருக்கு இந்தப் படம் நல்ல அடையாளத்தைத் தந்திருப்பதாக நம்புகிறேன். காதலின் ஆழத்தையும் உணர்வுகளையும் பேசும் இந்தப் படம், காதலிப்பவர்கள், காதலித்தவர்கள் எனப் பலருக்கும் நெருக்கமான அனுபவமாக இருக்கும். இன்னும் திரையரங்கில் பார்க்காதவர்கள் அவசியம் பார்த்து ஆதரவு தர வேண்டும்.” என்றார்.

கடந்த அக்டோபர் 2ஆம் தேதி திரையரங்குகளில் வெளியான ‘அன்பில் அவன்’ திரைப்படம், காதல் மற்றும் ஆக்‌ஷன் கலந்த கதைக்களத்துடன் தொடர்ந்து ரசிகர்களின் கவனத்தை ஈர்த்து, வெற்றிகரமாகத் திரையரங்குகளில் ஓடிக்கொண்டிருக்கிறது.

மனிதநேயத்துடன் சமூக மாற்றத்தை இலக்காகக் கொண்டு களம் இறங்கும் ‘ஹரிணி சுப்பு சினி கிரியேஷன்ஸ்'(Harini Subbu Cine Creations).

deccanwebtv Oct 7, 2026

மருத்துவர் டாக்டர் எஸ். ராஜா இயக்கி நடிக்கும் ‘செய் செய்யாதே’ (Do’s and Don’ts) திரைப்படம் 30 அக்டோபர் 2026ல் திரைக்கு வருகிறது

திரைப்படத் துறையை வெறும் பொழுதுபோக்காக மட்டும் பார்க்காமல் சமூக விழிப்புணர்வையும் புதிய திறமைகளுக்கான வாய்ப்புகளையும் ஆட்டிசம் ஸ்பெக்ட்ரத்தால் பாதிக்கப்பட்ட குழந்தைகளுக்கான வாழ்வாதாரத்தையும் இணைக்கும் உயரிய நோக்குடன் உருவெடுத்துள்ளது ‘ஹரிணி சுப்பு சினி கிரியேஷன்ஸ்’ (Harini Subbu Cine Creations).

ஒரு குடும்ப உரையாடலில் உதித்த சமூகக் கனவு

கடந்த 2023ம் ஆண்டு மக்களிடையே நேர்மறை சிந்தனைகளையும் பயனுள்ள கருத்துகளையும் கொண்டு சேர்க்க வேண்டும் என்ற நோக்கில் கணவன்-மனைவி இடையே நடந்த ஒரு உரையாடலே இந்நிறுவனத்திற்கான தொடக்கப்புள்ளியாக அமைந்தது. தனது நீண்டகால மருத்துவ அனுபவத்தில் தான் கண்ட மனிதர்களின் உணர்வுகளையும் சிக்கல்களையும், கலை வடிவமான திரைப்படங்கள் மூலம் வெளிப்படுத்த மருத்துவர் டாக்டர் எஸ். ராஜா அவர்கள் முடிவெடுத்தார்.

நிறுவனர்கள் & தயாரிப்புப் பின்னணி

டாக்டர் எஸ். ராஜா, எம்.டி.: நிறுவனத்தின் இணை நிறுவனரான இவர். இத்திரைப்படத்தின் கதை, திரைக்கதை, வசனம், இசை மற்றும் இயக்கப் பொறுப்புகளை ஏற்றுக்கொண்டுள்ளார்.

சுபலட்சுமி ஜெயராம், B.Sc. (California, USA): நிறுவனத்தின் இணை நிறுவனரான இவர். இத்திரைப்படத்தின் தயாரிப்பாளராகச் செயல்பட்டு படைப்புக்கான முழுத் தயாரிப்புத் துணையையும் வழங்குகிறார்.

” மனிதநேயம் எங்கள் அடித்தளம் திறமை வளர்ப்பு எங்கள் பொறுப்பு தன்னிறைவு வாழ்க்கை எங்கள் இலக்கு” என்பதே இந்நிறுவனத்தின் முதன்மை கொள்கையாகும்.

அக்டோபர் 2026-இல் ‘செய் செய்யாதே (Do’s and Don’ts)’ திரையரங்க வெளியீடு

ஹரிணி சுப்பு சினி கிரியேஷன்ஸ் தயாரிப்பில் உருவாகியுள்ள புதிய தமிழ்த் திரைப்படமான ‘செய் செய்யாதே’ (Do’s and Don’ts) சென்சார் தணிக்கை நிறைவு பெற்று திரையரங்க வெளியீட்டிற்குத் தயாராக உள்ளது. இத்திரைப்படம் வரும் 30 அக்டோபர் 2026 அன்று திரையரங்குகளில் வெளியாகவுள்ளது.

நடிகர்கள் & தொழில்நுட்பக் கலைஞர்கள்:
நடிப்பு: எச். ராஜா, குரு, தர்ஷினி ரெட்டி
பாடல்: ஹரிணி
படத்தொகுப்பு: ராஜா முகமது
ஒளிப்பதிவு: இராமநாத் வாசு
மக்கள் தொடர்பு : பா. சிவக்குமார்

கிராமத்திலிருந்து சர்வதேச தளம் வரை:

டாக்டர் ராஜாவின் பின்னணி
பேருந்து வசதி கூட இல்லாத ஒரு கிராமத்தில் பிறந்த டாக்டர் ராஜா. சிறுவயதிலேயே உழைப்பையும் குடும்பப் பாசத்தையும் கற்றுக்கொண்டவர். தேவகோட்டையில் பள்ளிப் படிப்பையும், மதுரையில் மருத்துவப் படிப்பையும் முடித்த இவர். மாணவர் பருவத்திலிருந்தே சேவை மனப்பான்மையுடன் செயல்பட்டு 18 கிராமங்களின் நம்பிக்கைக்குரிய மருத்துவராகத் திகழ்ந்தார்.

சென்னை ஸ்டான்லி மருத்துவக் கல்லூரி, ட்ரினிடாட் அண்ட் டொபாகோ (Trinidad and Tobago) மற்றும் அமெரிக்கா என உலகளவில் தனது மருத்துவப் பணியை விரிவுபடுத்திய இவர். மருத்துவம், நிர்வாகம் மற்றும் குழந்தை மருத்துவத்துடன் திரைப்பட இயக்கத்திலும் தேர்ச்சி பெற்றார். சுமார் 25 திரைப்படங்களில் சிறிய வேடங்களில் நடித்த அனுபவமும், 2018ல் ஹாலிவுட்டில் பெற்ற இயக்கப் பயிற்சியும் இவரது திரைப்பட உருவாக்கத்திற்கு உறுதுணையாக அமைந்தன.

வசதியற்ற மக்களுக்கு இலவச மருத்துவச் சேவைகளை வழங்கியதோடு விளம்பரமின்றி பல எளிய குடும்பங்களுக்கு உதவிய பெருமை இவருக்கு உண்டு.

சமூக நோக்கம் மற்றும் எதிர்காலத் திட்டங்கள்

புதிய திறமைகளுக்கான மேடை:

தன் முதல் திரைப்படத்திலேயே பெரும்பாலான புதுமுகங்களுக்கு வாய்ப்பளித்து நடிகர்கள், பாடலாசிரியர்கள், இசையமைப்பாளர்கள் மற்றும் தொழில்நுட்பக் கலைஞர்களை அறிமுகப்படுத்தியுள்ளனர். மேலும் சுமார் 10 கதைகள் தயார்நிலையில் உள்ளன.

ஆட்டிசம் பாதிக்கப்பட்டவர்களுக்கான 25 ஏக்கர் வாழ்வாதார வளாகம்:

திரைப்படம் மூலம் கிடைக்கும் வருமானத்தைக் கொண்டு ஆட்டிசம் ஸ்பெக்ட்ரத்தால் பாதிக்கப்பட்ட குழந்தைகள் மற்றும் அவர்களின் குடும்பங்களுக்காகச் சிறப்பு வளாகம் அமைக்கத் திட்டமிடப்பட்டுள்ளது. சுமார் 25 ஏக்கர் பரப்பளவில் அமையவிருக்கும் இந்த வளாகத்தில் கல்வி, சிகிச்சை, உணர்வுசார் ஆதரவு, தொழிற்பயிற்சி, உற்பத்தி அலகுகள் மற்றும் பாதுகாப்பான தங்குமிட வசதிகள் உருவாக்கப்படவுள்ளன.

சமூகத்திற்கான திரைப்பட வருவாய்:

திரைப்படங்கள் மூலம் கிடைக்கும் வருவாயை நிறுவனர்களின் சொந்தப் பயன்பாட்டிற்குப் பயன்படுத்தாமல் முழுமையாக இச்சமூக மேம்பாட்டுத் திட்டத்திற்கும் கல்வி மற்றும் வேலைவாய்ப்பிற்கும் மட்டுமே பயன்படுத்தவுள்ளனர்.

திரைப்பட ரசிகர்களின் ஆதரவு, புதிய கலைஞர்களின் வளர்ச்சிக்கும், சிறப்புப் பராமரிப்புத் தேவைப்படும் குழந்தைகளின் பிரகாசமான எதிர்காலத்திற்கும் பெரும் துணையாக இருக்கும் என படக்குழுவினர் நம்பிக்கை தெரிவித்துள்ளனர்.

Harini Subbu Cine Creations: A Cinema Journey Rooted in Humanity

deccanwebtv Oct 7, 2026

About the Company & Core Vision

Inception: Harini Subbu Cine Creations was founded around 2023, inspired by a family conversation between a husband and wife who shared a vision of using cinema to spread positive thoughts and create greater social awareness.

Core Motto:
“Humanity is our foundation. Nurturing talent is our responsibility. Independent living is our goal.”

Unique Purpose: The company aims to combine meaningful cinema with opportunities for emerging talent while building a sustainable livelihood ecosystem for children on the autism spectrum and their families.

Founders & Key Profiles

Dr. S. Raja, M.D. — Co-Founder & Director

Dr. S. Raja serves as the story writer, screenwriter, lyricist, composer, and director of the company’s film projects.

Born in a rural village that did not have bus connectivity, he completed his schooling in Devakottai and pursued his medical education in Madurai. He later served as a trusted physician for people across 18 villages.

His professional journey expanded internationally, including experience associated with Chennai Stanley Medical College, Trinidad and Tobago, and the United States.

Around 2018, he received training in filmmaking and direction in Hollywood. He has also appeared in approximately 25 film roles.

Subbulakshmi Jeyaram, B.Sc. — Co-Founder & Producer

Based in California, USA, Subbulakshmi Jeyaram oversees and provides production support and management for the company’s film projects.

Together, the founders seek to create cinema that combines social responsibility, creative expression, and opportunities for emerging talent.

Upcoming Film: Sey Seyyathe (Do’s and Don’ts)

Theatrical Release: October 30, 2026
Certification: Censor Certified

Cast: H. Raja, Guru, Dharshini Reddy

Key Crew:

• Singer: Harini
• Editor: Raja Mohammed
• Cinematographer: Ramnad Vasu
• PRO: P. Sivakumar

Sey Seyyathe is positioned as a socially relevant film that aims to create awareness while delivering an engaging cinematic experience.

Social Commitment & Future Plans

A Platform for New Talent

Harini Subbu Cine Creations aims to provide opportunities for emerging actors, lyricists, composers, directors, and technicians. The team currently has around 10 scripts ready for potential future development.

Proposed 25-Acre Autism Campus

One of the company’s long-term visions is to establish a dedicated 25-acre campus for individuals on the autism spectrum and their families.

The proposed campus is envisioned to provide:

• Education and special education
• Therapy and rehabilitation support
• Vocational training
• Employment opportunities
• Production and skill-development units
• Safe and supportive housing

The broader objective is to help individuals on the autism spectrum develop skills, achieve greater independence, and lead dignified lives.

A 100% Social Revenue Model

According to the company’s vision, revenue generated through its films will not be used for personal or family enrichment. Instead, the intention is to channel the proceeds toward community welfare, special education, employment initiatives, and the proposed autism-support ecosystem.

Through this model, Harini Subbu Cine Creations seeks to demonstrate that cinema can be more than entertainment — it can become a platform for social change, talent development, and creating pathways toward independent living.

Our Vision

Meaningful Cinema. Emerging Talent. Social Responsibility. Independent Living.

Harini Subbu Cine Creations aims to build a film journey where every creative effort contributes not only to the world of cinema but also to a larger humanitarian purpose.

நடுக்கடலில் வித்தியாசமான முறையில் வெளியான ‘துரோகம் பழகு’ படத்தின் போஸ்டர்!

deccanwebtv Oct 3, 2026

மகிழ் புரொடக்ஷன்ஸ் சார்பில் C. பியூலா மகிழ் தயாரிப்பில் உருவாகியுள்ள ‘துரோகம் பழகு’ திரைப்படத்தின் போஸ்டர், புதுச்சேரி நடுக்கடலில் வித்தியாசமான முறையில் வெளியிடப்பட்டு கவனம் ஈர்த்துள்ளது.

தமிழ் சினிமாவில் திரைப்படங்களின் ஃபர்ஸ்ட் லுக், டீசர், டிரெய்லர் மற்றும் போஸ்டர் வெளியீடுகள் தொடர்ந்து புதுமையான முறையில் நடைபெற்று வருகின்றன. அந்த வகையில், ‘துரோகம் பழகு’ படக்குழுவினர் தங்களது படத்தின் போஸ்டரை புதுச்சேரி நடுக்கடலில் வெளியிட்டு புதிய முயற்சியை மேற்கொண்டுள்ளனர்.

படக்குழுவினரின் ஏற்பாட்டில் நடுக்கடலுக்குச் சென்ற மீனவர்கள், ‘துரோகம் பழகு’ திரைப்படத்தின் போஸ்டரை வெளியிட்டனர். கடலின் நடுவே மீனவர்களின் கைகளில் படத்தின் போஸ்டர் வெளியான இந்த நிகழ்வு,வித்தியாசமான முயற்சியாக அமைந்துள்ளது.

இப்படத்தில் தக்க்ஷன் விஜய் கதாநாயகனாக நடித்துள்ளார். ஜி.எம். குமார், வனிதா விஜயகுமார், லொள்ளு சபா ஜீவா, அமுதவாணன், அப்புகுட்டி, திவாகர், கஞ்சா கருப்பு உள்ளிட்டோர் முக்கிய கதாபாத்திரங்களில் நடித்துள்ளனர்.

இப்படத்தை சீயோன் ராஜா இயக்கியுள்ளார். ராஜா மற்றும் பாலா இசையமைத்துள்ளனர்.

‘துரோகம் பழகு’ திரைப்படத்தின் இசை மற்றும் டிரெய்லர் வெளியீட்டு விழா விரைவில் மிக பிரம்மாண்டமாக நடைபெற உள்ளது.

யோகி பாபு-சத்யா இணையும் ‘கோல்டன் பாக்கியம்’

deccanwebtv Sep 30, 2026

யோகி பாபு-சத்யா இணையும், பவன் பாசம்செட்டி (Pawan Basamsetti) இயக்கும்,நாகார்ஜுனா ரெட்டி (Nagarjuna Reddy) , ட்ரீம் மூவீ மேக்கர்ஸ், (Dream Movie Makers) நயவாயு சித்ராலு  (Nayavayu Chitralu’s)  தயாரிப்பில் ‘தெலுமிழ்’ (தெலுங்கு + தமிழ் ) திரைப்படம் ‘கோல்டன் பாக்கியம்’  (Golden Bhagyam)  டைட்டில் கிளிம்ப்ஸ் வெளியீடு

நகைச்சுவை நட்சத்திரங்கள் யோகி பாபு – சத்யா,ஆகியோர் ‘ரங்கபலி’ (Rangabali) புகழ் பவன் பாசம்செட்டி இயக்கும் காமெடி சரவெடியில் இணைகின்றனர்.

நாகார்ஜுனா ரெட்டி மற்றும் பவன் பாசம்செட்டி இருவரும் இணைந்து ட்ரீம் மூவி மேக்கர்ஸ் மற்றும் நயவாயு சித்ராலு ஆகிய பேனர்களின் கீழ் இந்தப் படத்தைத் தயாரிக்கிறார்கள். இரண்டு பேனர்களின் முதல் தயாரிப்பு முயற்சியாக இந்தப் படம் அமைகிறது என்பது குறிப்பிடத்தக்கது. படக்குழு இன்று டைட்டில் வெளியீட்டு கிளிம்ப்ஸை வெளியிட்டது. இந்தப் படம் முற்றிலும் தனித்துவமான கருத்துருவை தாங்கி வருகிறது.

இது வழக்கமான தெலுங்கு அல்லது தமிழ்ப் படம் அல்ல, மாறாக தெலுங்கு மற்றும் தமிழ் மொழிகளையும், இரண்டு திரையுலகைச் சேர்ந்த பிரபல நடிகர்களையும் ஒன்றிணைக்கும் ‘ Telumil ’ படைப்பு.

கிளிம்ப்ஸ் ஒரு நகைச்சுவையான குறிப்புடன் தொடங்குகிறது, அதில் ஒரு தெலுங்கரும், ஒரு தமிழரும் தங்களுக்குப் பிடித்தமான உணவுகளை ரசித்து சாப்பிட்டுக்கொண்டே, தங்கள் உணவுதான் சிறந்தது என்று பெருமையாகக் கூறிக்கொள்கிறார்கள். தெலுங்கு கதாபாத்திரம் கூல் ட்ரிங்குடன் பிரியாணியை ரசிக்கிறது, அதே நேரத்தில் தமிழ் கதாபாத்திரம் சாம்பாருடன் இட்லியை ரசிக்கிறது.

எந்த உணவு சிறந்தது என இரண்டு கதாபாத்திரங்களும் வாக்குவாதத்துக்குள் செல்ல, இன்னொரு நபர் குறுக்கிட்டு இருவர் ருசிப்பதைக் காட்டிலும், அதிசுவை  காம்பினேஷன் ஒன்று காத்திருப்பதாகச் சுட்டிக்காட்டும் போது காட்சியும், கொண்டாட்டமும் வேறு நிலைக்குச் செல்கிறது.

யோகி பாபு மற்றும் சத்யாவின் அறிமுகம் அதைத் தொடர்ந்து வருகிறது. இருவரும்  வெள்ளை நிற உடையில் தோன்றுகின்றனர். பின்னர் இயக்குநர் அவர்களின் கதையைப் பற்றி ஒரு சுவாரஸ்யமான விளக்கத்தை அளிக்கிறார். அது காதலுடன் க்ரைம் மற்றும் ஆக்ஷன் கலந்த கதை என்று வெளிப்படுத்துகிறார். அத்துடன், ‘கோல்டன் பாக்கியம்’ கிளிம்ப்ஸ் டைட்டில் வெளியீடு நிறைவடைகிறது .

இந்தப் படத்தின் மூலம் தெலுங்கு மற்றும் தமிழ் சினிமாவின் மிகவும் பிரபலமான இரண்டு காமெடி நடிகர்களை ஒரு பைலிங்குவல் கிராஸ்ஓவர் என்டர்டெய்னருக்காக ஒன்றிணைத்து இயக்குநர் பவன் பாசம்செட்டி தனித்துவமான ஒன்றை முயற்சித்துள்ளார். கூடுதல் சுவாரஸ்யமாக, தெலுங்கு நடிகர் சத்யா தமிழ் பேசுவதையும், தமிழ் நட்சத்திரம் யோகி பாபு தெலுங்கு பேசுவதையும் காண முடிகிறது. கிளிம்ப்ஸில், காட்சிகளின் பின்னணியில் பிரம்மாண்டமான மல்டி-ஸ்டாரர் கட்அவுட்களுடன், அவர்களை ஒரு மிகப்பெரிய தெலுங்கு – தமிழ் காம்பினேஷனாக முன்னிறுத்துகிறது.

கிளிம்ப்ஸைப் பார்க்கும்போது, படம் முன்னணி நடிகர்களின் தனித்துவமான கெமிஸ்ட்ரியை மையமாகக் கொண்ட ஒரு முழுமையான என்டர்டெய்னராக இருக்கும் என்று புரிந்துகொள்ள முடிகிறது.

யோகி பாபு  மற்றும்  சத்யா  இருவரும் படத்தின் மிகப்பெரிய நகைச்சுவை பலமாக இருப்பார்கள் என்று எதிர்பார்க்கப்படுகிறது. அவர்களின் தனித்துவமான காமெடி ஸ்டைல் மற்றும் அபாரமான டைமிங் முதல் முறையாக இந்த படத்தில் ஒன்றிணைகிறது.

ஜெயஸ்ரீ (Jayashree) மற்றும் அதிராஜ் (Athiraj) கதாநாயகிகளாக நடிக்க, வென்னேல கிஷோர் (Vennela Kishore), சுதர்சன் (Sudharshan), கிஷோர் திருமலா(Kishore Tirumala), ரோகிணி(Rohini), தனிகெள்ளா பரணி (Tanikella Bharani) மற்றும் சுனில் ரெட்டி (Sunil Reddy)  ஆகியோர் முக்கிய துணை கதாபாத்திரங்களில் நடிக்கின்றனர். படத்தில் திறமையான தொழில்நுட்பக் குழுவும் இடம் பெற்றுள்ளது. மலையாள சினிமா ஒளிப்பதிவாளர் பப்லு அஜு (Bablu Aju)  ஒளிப்பதிவை கையாள, பவன் CH (Pawan CH) இசையமைக்கிறார். தயாரிப்பு வடிவமைப்பை சிவா காமேஷ் D (Siva Kamesh D) கவனிக்க, எடிட்டிங்கை ரவி தேஜா கிரிஜாலா (Ravi Teja Girijala) மேற்பார்வையிடுகிறார்.

அறிவிப்புக்கு மற்றொரு நகைச்சுவைத் தொடுதலைச் சேர்க்கும் வகையில், தயாரிப்பாளர்கள் ஆரம்பத்தில் படத்தை சங்கராந்தி வெளியீடாக அறிவித்து, பின்னர் சங்கராந்தியை அடித்துவிட்டு, இந்த ஆண்டுக்குள் வெளியாகும் என்று அறிவித்துள்ளனர்.

படத்தின் நடிகர்கள்: யோகி பாபு,சத்யா,ஜெயஸ்ரீ, அதிராஜ், வென்னேல கிஷோர், சுதர்சன், கிஷோர் திருமலா, ரோகிணி, தனிகெள்ளா பரணி மற்றும் சுனில் ரெட்டி

தொழில்நுட்பக் குழு:

எழுத்து, இயக்கம்: பவன் பாசம்செட்டி
தயாரிப்பாளர்கள்: நாகார்ஜுனா ரெட்டி & பவன் பாசம்செட்டி
பேனர்கள்: ட்ரீம் மூவி மேக்கர்ஸ், நயவாயு சித்ராலு
இசை: பவன் CH,நிதிஷ் ஜான்
ஒளிப்பதிவு: பப்லு அஜு
எடிட்டர்: ரவிதேஜா கிரிஜாலா
தயாரிப்பு வடிவமைப்பு : சிவா காமேஷ் D
மக்கள் தொடர்பு: யுவராஜ்