‘விதுரன் பார்வை’

அனைவருக்கும் அன்பு வணக்கம்,

அனைவருக்கும் இனிய ஆங்கில புத்தாண்டு நல்வாழ்த்துகள். கடந்த 27 வருடங்களாக தொடர்ந்து எனக்கு தங்களது அன்பையும் ஆதரவையும் அளித்து வருவதற்காக மனமார்ந்த நன்றி.

சினிமா செய்திகளையும் விமர்சனங்களையும் தர வேண்டும் என்று என்னுடைய நண்பர்கள் மற்றும் நலம் விரும்பிகள் வலியுறுத்தி வந்த நிலையில், ‘விதுரன் பார்வை’ என்ற செய்தி நிறுவனத்துடன் இதற்காக கைகோர்த்துள்ளேன்.

இதன் வாயிலாக நான் பணியாற்றும் திரைப்படங்கள் மட்டுமில்லாது அனைத்து படங்கள் தொடர்பான செய்திகளும் விமர்சனங்களும் வெளியிடப்படும். செய்திகளில் உண்மை, புதுமை மற்றும் சுவாரசியமும், விமர்சனங்களில் நேர்மை, நடுநிலை மற்றும் தெளிவும் இருக்கும் என்று உறுதி அளிக்கிறேன். நவீன தொழில்நுட்பமும், தொழில் தெரிந்த குழுவினரும் இந்த பயணத்தில் என்னுடன் இணைந்து இருப்பது மிக்க மகிழ்ச்சி.

எனது பணி மற்றும் எல்லா முயற்சிகளிலும் உங்கள் ஊக்கத்திற்கும் உற்சாகத்துக்கும் பெரும் பங்குண்டு. இந்த புதிய முன்னெடுப்புக்கும் உங்கள் ஆதரவை வேண்டுகிறேன். உங்களுக்காக நான், உங்களால் நான். 2024 மிகச் சிறப்பான ஆண்டாக நம் அனைவருக்கும் அமையும் என்று உறுதியாக நம்புகிறேன். மிக்க நன்றி.

அன்புடன்,
நிகில் முருகன்,
நிகில் கம்யூனிகேஷன்ஸ்