The new initiative integrates robotic rehabilitation and advanced neurostimulation technologies to support individuals through different stages of stroke recovery.
Chennai, 11th November 2026: Recognising that stroke recovery extends well beyond emergency treatment and medical stabilisation, Kauvery Hospital, Alwarpet, is strengthening its rehabilitation services with the introduction of advanced robotic and technology-assisted rehabilitation systems. This initiative aims to provide a structured, comprehensive and patient-centred approach to stroke rehabilitation, helping patients work towards regaining movement, improving functional abilities and achieving greater independence in everyday activities.
Kauvery Hospital has a dedicated 24/7 Stroke Care Unit, supported by a multidisciplinary team of specialists and trained healthcare professionals to manage stroke patients through different stages of care. The team includes stroke medicine specialists, interventional radiologists, neurosurgeons and Rapid Neuro ICU intensivists, working in coordination to provide timely assessment, appropriate treatment and critical care when required. The dedicated stroke unit is supported by trained nursing staff and advanced medical equipment to facilitate comprehensive stroke management. From emergency evaluation and acute intervention to critical care and subsequent rehabilitation, this integrated approach aims to ensure continuity of care throughout the patient’s journey. By introducing Stroke Rehabilitation, the hospital will provide care beyond treatment.
Speaking about the importance of rehabilitation in stroke care, Dr. Sivarajan Thandeswaran, Senior Consultant – Stroke Medicine, Kauvery Hospital Alwarpet, said, “Stroke treatment does not end with the initial medical intervention. The recovery phase is equally important, as individuals may have to overcome challenges related to movement, balance, coordination and everyday activities. Rehabilitation requires consistent, repetitive and structured training, guided by a multidisciplinary team. The introduction of advanced robotic rehabilitation systems allows us to incorporate technology-assisted training into individualised rehabilitation programmes, helping them work towards improving their functional abilities and independence. Our focus is to make the recovery journey more structured and meaningful for every individual.”
One of the key additions is the Multilimb Isokinetic Robotic Rehabilitation System , a computerised robotic system designed to facilitate upper-limb, lower-limb and functional arm movement training. The system offers more than 20 exercise options for both upper and lower limbs, including exercises designed for major joints. It operates in active, assistive and resistive modes, allowing the level of support or resistance to be adapted to individual rehabilitation requirements.
The system also supports training for Activities of Daily Living (ADL), helping patients practise functional movements relevant to everyday tasks. Its interactive approach enables structured movement practice, with flexibility to address different stages of rehabilitation.
For those experiencing difficulty with hand and finger movements, robotic hand rehabilitation gloves will support guided hand-opening, hand-closing and finger-movement exercises. The system incorporates passive and mirror-therapy modes, along with adjustable training settings. By facilitating repetitive and assisted hand movements, this technology can be incorporated into individualised hand rehabilitation programmes under professional supervision.
The integration of robotic rehabilitation technologies with conventional physiotherapy and occupational therapy will enable the clinical team to incorporate different forms of assisted, repetitive and resistance-based movement training into individualised rehabilitation programmes. These technologies complement, rather than replace, the expertise and guidance of rehabilitation professionals.
Commenting on the initiative, Dr. Aravindan Selvaraj, Co Founder & Executive Director, Kauvery Group of Hospitals, said, “At Kauvery, we believe that healthcare must extend beyond treating a medical condition to supporting patients throughout their journey towards recovery. Stroke can have a profound impact on an individual’s mobility, independence and quality of life, as well as on their families. By bringing advanced robotic rehabilitation and neurostimulation technologies into our rehabilitation services, we are strengthening our commitment to comprehensive stroke care. Our aim is to combine clinical expertise, appropriate technology and compassionate care to support patients at every stage of their recovery journey.”
About Kauvery Hospital
Kauvery Hospital is a leading multi-specialty healthcare provider in India, recognised for its commitment to clinical excellence, patient-centric care and advanced medical infrastructure. The hospital group operates a network of twelve hospitals across six key locations – Trichy, Chennai, Salem, Hosur, Tirunelveli and Bengaluru – and employs over 11,000 healthcare professionals. Serving millions of patients annually, Kauvery Hospital is dedicated to delivering high-quality secondary and tertiary care, supported by a strong focus on innovation, clinical outcomes and continuous advancement in healthcare delivery.
அம்மன் திரைப்படங்கள் என்றாலே பக்தி, நம்பிக்கை, தெய்வீக சக்தி, தீமையை அழிக்கும் நல்ல சக்தி என ரசிகர்களுக்கு எப்போதும் ஒரு தனி எதிர்பார்ப்பு உண்டு. அந்த எதிர்பார்ப்பை பிரம்மாண்டமான காட்சிகளுடனும், விறுவிறுப்பான திரைக்கதையுடனும் பூர்த்தி செய்யும் முயற்சியாக அமைந்திருக்கிறது மூக்குத்தி அம்மன் 2.
நயன்தாரா மீண்டும் அம்மன் கதாபாத்திரத்தில் தோன்றி தனது கம்பீரமான நடிப்பால் ரசிகர்களைக் கவர்கிறார். அவரது தெய்வீகத் தோற்றம், முகபாவனைகள், வசன உச்சரிப்பு என ஒவ்வொன்றிலும் அம்மனுக்கே உரிய ஆளுமையை வெளிப்படுத்தியிருக்கிறார். குறிப்பாக அம்மன் தோன்றும் காட்சிகள் திரையில் ஒரு தனி ஈர்ப்பை ஏற்படுத்துகின்றன.
ரெஜினா கசாண்ட்ரா வில்லத்தனமான கதாபாத்திரத்தில் சிறப்பான நடிப்பை வெளிப்படுத்தியிருக்கிறார். நயன்தாராவுக்கும் ரெஜினாவுக்கும் இடையிலான மோதல் காட்சிகள் படத்திற்கு விறுவிறுப்பைக் கூட்டுகின்றன. ஊர்வசி மற்றும் யோகி பாபு தங்களது அனுபவம் நிறைந்த நடிப்பால் படத்திற்கு கூடுதல் பலம் சேர்க்கிறார்கள்.
இயக்குநர் சுந்தர்.சி, அம்மன் கதையை நவீன தொழில்நுட்பம், அமானுஷ்ய அம்சங்கள், பிரம்மாண்டமான காட்சியமைப்புகள் ஆகியவற்றுடன் இணைத்து வழங்கியிருக்கிறார். குறிப்பாக கிராபிக்ஸ் காட்சிகளும், அம்மனின் சக்தியை வெளிப்படுத்தும் தருணங்களும் ரசிகர்களுக்கு ஒரு வித்தியாசமான திரையரங்க அனுபவத்தைத் தருகின்றன.
ஹிப் ஹாப் தமிழாவின் பின்னணி இசை படத்தின் உணர்வுப்பூர்வமான மற்றும் தெய்வீகமான காட்சிகளுக்கு மேலும் வலு சேர்க்கிறது. ஒளிப்பதிவும் கலை இயக்கமும் படத்தின் பிரம்மாண்டத்தை அழகாக வெளிப்படுத்துகின்றன.
மொத்தத்தில், பக்தி, பொழுதுபோக்கு, பிரம்மாண்டம் என அனைத்தையும் கலந்து குடும்பத்துடன் ரசிக்கக்கூடிய அம்மன் திரைப்படமாக மூக்குத்தி அம்மன் 2 அமைந்திருக்கிறது. குறிப்பாக நயன்தாராவின் ரசிகர்களுக்கும், அம்மன் திரைப்படங்களை விரும்பிப் பார்ப்பவர்களுக்கும் இந்தப் படம் நல்ல விருந்தாக இருக்கும்.
மும்பையில் தொலைக்காட்சி நிகழ்ச்சிகளைத் தயாரிக்கும் வினோத் (ஹரிஷ் கல்யாண்), தனக்குக் கிடைக்க வேண்டிய பதவி உயர்வுக்காக கோவாவில் உள்ள தொலைக்காட்சி சேனலுக்குச் செல்கிறார்.
அங்கு தனது நிகழ்ச்சிக்கு பொருத்தமான தொகுப்பாளினியைத் தேடும் முயற்சியில் ஃபென்னி (சித்தி இத்னானி) அறிமுகமாகிறார்.
ஆனால் ஃபென்னிக்கு ஏற்கெனவே ரிச்சி என்ற காதலன் இருக்கிறார். விபத்தில் சிக்கி கோமா நிலையில் இருக்கும் அவருடைய மருத்துவச் செலவுக்காகவே ஃபென்னி வேலைக்குச் சம்மதிக்கிறார்.
வினோத்துக்கும் ஃபென்னிக்கும் இடையே காதல் மலர்கிறது. இந்தச் சூழலில் ரிச்சி மீண்டும் நினைவு திரும்பி வந்தால் என்ன நடக்கும்? ஃபென்னி யாரைத் தேர்ந்தெடுப்பார்? என்பதுதான் படத்தின் மீதிக்கதை.
காதல், நட்பு, பிரிவு, உணர்வுகள் என வழக்கமான முக்கோணக் காதல் கதையை இயக்குநர் சசி சொல்ல முயற்சித்திருக்கிறார்.
ஹரிஷ் கல்யாண் மற்றும் சித்தி இத்னானி இருவரும் இளமையான தோற்றத்துடன் திரையில் பொருந்துகிறார்கள். ஆனால் அவர்களுடைய காதல் உருவாகும் விதத்திலும், அதன் பின்னணியிலும் அழுத்தமான காட்சிகள் இல்லை.
கோவாவின் பின்னணியும், அங்குள்ள அழகிய இடங்களும் படத்திற்குச் சில காட்சிகளில் புத்துணர்ச்சி தருகின்றன.
தம்பி ராமையா, கோவை சரளா மற்றும் VJ பார்வதி ஆகியோரின் நகைச்சுவை ஆங்காங்கே சிரிக்க வைக்கிறது.
ஆனால் கதையின் முக்கியமான காதல் மோதலில் பார்வையாளர்களை ஈடுபடுத்தத் திரைக்கதை தவறிவிடுகிறது. குறிப்பாக ஃபென்னியின் மனநிலை மற்றும் காதல் முடிவுகளுக்கான காரணங்கள் இன்னும் ஆழமாக எழுதப்பட்டிருக்கலாம்.
இயக்குநர் சசியிடம் இருந்து எதிர்பார்க்கப்பட்ட அழுத்தமான உணர்வுப்பூர்வமான காதல் கதையாக இந்தப் படம் அமையவில்லை. நீண்ட காலத் தாமதத்திற்குப் பிறகு வெளியாகியிருப்பதால், கதையின் சில அம்சங்கள் இன்றைய ரசிகர்களுக்குப் பழைய பாணியாகத் தோன்றுகின்றன.
பொழுதுபோக்கிற்காக ஒருமுறை பார்க்கலாம். ஆனால் பெரிய எதிர்பார்ப்புடன் பார்க்க வேண்டிய திரைப்படம் அல்ல.
நடிகர்கள் பஸில் ஜோசப் (Basil Joseph) – எல். கே. அக்ஷய் குமார் (L. K. Akshay Kumar) இணைந்து நடித்திருக்கும் ‘ராவடி (Raawadi)’ படத்தின் ‘அட்ரா பரமா.. ’ – முதல் பாடல் வெளியீடு!
மலையாளத் திரையுலகின் முன்னணி நட்சத்திர நடிகரான பேசில் ஜோசப் – ‘சிறை’ படத்தின் மூலம் பிரபலமான நடிகர் எல். கே. அக்ஷய் குமார் ஆகிய இருவரும் இணைந்து முக்கிய வேடங்களில் நடித்திருக்கும் ‘ராவடி (Raawadi)’ திரைப்படத்தில் இடம்பெற்ற ‘அட்ரா பரமா..’ எனும் முதல் பாடல் வெளியிடப்பட்டிருக்கிறது.
இயக்குநர் விக்னேஷ் வடிவேல் இயக்கத்தில் உருவாகியுள்ள ‘ராவடி (Raawadi)’ திரைப்படத்தில் பஸில் ஜோசப், எல். கே. அக்ஷய் குமார், ஜான் விஜய், ஜாபர் சாதிக், நோபல் கே. ஜேம்ஸ், ஷாரிக் ஹாசன், அருணாச்சலேஸ்வரன் PA., சத்யன், ஐஸ்வர்யா சர்மா உள்ளிட்ட பலர் நடித்திருக்கிறார்கள். லியோன் பிரிட்டோ ஒளிப்பதிவு செய்திருக்கும் இந்தத் திரைப்படத்திற்கு ஜென் மார்ட்டின் இசையமைத்திருக்கிறார். படத்தொகுப்புப் பணிகளைப் பரத் விக்ரமன் மேற்கொள்ள, தயாரிப்பு வடிவமைப்பாளராகப் பி. எஸ். ஹரிஹரன் பணியாற்றியிருக்கிறார். கமர்ஷியல் என்டர்டெயினராகத் தயாராகியிருக்கும் இந்தத் திரைப்படத்தை செவன் ஸ்கிரீன் ஸ்டுடியோ நிறுவனம் சார்பில் தயாரிப்பாளர் எஸ். எஸ். லலித்குமார் தயாரித்திருக்கிறார். இப்படத்திற்கு எல். கே. விஷ்ணுகுமார் இணைத் தயாரிப்பாளராகப் பொறுப்பேற்றுள்ளார்.
இப்படத்தின் ஆடை வடிவமைப்பாளராக பிரியா ரவி பணியாற்றியுள்ளார். நடன அமைப்பை எம். ஷெரிப் மேற்கொண்டுள்ளார். சண்டைப் பயிற்சியை டான் அசோக் கவனித்துள்ளார். ஒலி வடிவமைப்புப் பணிகளை எஸ். அழகியகூத்தன் மற்றும் சுரேன் ஜி ஆகியோரும், ஒலி கலவைப் பணிகளை சுரேன் ஜி -யும் மேற்கொண்டுள்ளனர். படப்பிடிப்புத் தளப் புகைப்படக் கலைஞராக ஆகாஷ் பாலாஜி பணியாற்றியுள்ளார். மக்கள் தொடர்புப் பணிகளை யுவராஜ் கவனிக்க, தயாரிப்பு நிர்வாகியாக ஆர். எஸ். வெங்கட், எக்ஸிக்யூட்டிவ் புரொடியூசராக மணிகண்டன், கிரியேட்டிவ் புரொடியூசராக அருண் கே. ஆகியோர் பணியாற்றியுள்ளனர்.
வரும் டிசம்பர் மாதம் 24ஆம் தேதி முதல் உலகம் முழுவதும் திரையரங்குகளில் வெளியாகும் என அறிவிக்கப்பட்டிருக்கும் இந்தத் திரைப்படத்தில் இடம்பெற்ற ‘பொடி பொடியா அடிச்சது பொடியன் இல்ல பாத்துக்க பாத்துக்க…’ எனத் தொடங்கும் முதல் பாடல் வெளியிடப்பட்டிருக்கிறது . இந்தப் பாடலைப் பாடலாசிரியர் உதய் எழுத, பின்னணிப் பாடகர் அறிவு பாடியிருக்கிறார். ஜென் மார்ட்டினின் இசையில் உருவாகியிருக்கும் இந்தப் பாடல் இளம் ரசிகர்களின் விருப்பத்திற்குரிய துள்ளல் இசைப் பாணியில் அமைந்திருப்பதால் பெரும் வரவேற்பைப் பெற்று வருகிறது.
‘படிடா பரமா’ என்ற வசனம் ஏற்கனவே சமூக வலைதளங்களில் வைரலாகி ரசிகர்களின் கவனத்தை ஈர்த்த நிலையில், தற்போது இப்படத்தில் இடம்பெற்றுள்ள ‘அட்ரா பரமா’ பாடலும் வெளியாகி ரசிகர்கள் மத்தியில் வைரலாகி வருகிறது.
மர்ம முடிச்சுகளுடன் வெளியாகும் அர்ஜுன் தாஸின் ‘ஜான் டோ’! – நவம்பர் 13 முதல் திரையரங்குகளில் வெளியீடு!
அர்கா மீடியாவொர்க்ஸ் நிறுவனத்தின் தயாரிப்பில், மதுமிதாவின் இயக்கத்தில், அர்ஜுன் தாஸ் நடிப்பில் உருவாகியுள்ள சைக்கலாஜிக்கல் கிரைம் திரில்லர் திரைப்படமான ‘ஜான் டோ’ (John Doe) வரும் நவம்பர் 13ஆம் தேதி திரையரங்குகளில் வெளியாகிறது.
இதனை முன்னிட்டு நடைபெற்ற பத்திரிகையாளர் சந்திப்பில் படக்குழுவினர் கலந்துகொண்டு படம் குறித்த பல்வேறு சுவாரஸ்யமான தகவல்களைப் பகிர்ந்து கொண்டனர்.
இந்நிகழ்வில்…
நடிகை அனுபமா பேசியதாவது:
“‘ஜான் டோ’ மிகவும் முக்கியமான, ஆழமான உளவியல் கதைக்களத்தைக் கொண்ட திரைப்படம். இந்தப் படத்தைப் பார்க்கத் திரையரங்கிற்குள் செல்லும்போது நீங்கள் ஒரு நபராக இருப்பீர்கள். ஆனால், படத்தைப் பார்த்துவிட்டு வெளியே வரும்போது நிச்சயமாக இன்னொரு நபராக மாறியிருப்பீர்கள். அந்த அளவுக்கு இப்படம் உங்கள் மனதில் தாக்கத்தை ஏற்படுத்தும் என்று என்னால் உறுதியாகச் சொல்ல முடியும்” என்றார்.
நடிகர் படவா கோபி பேசியதாவது:
“இந்தப் படத்தில் என்னுடைய குரலைப் பற்றிப் பேசுவதைவிட, இந்தப் படத்தின் குரலே அர்ஜுன் தாஸ் தான். அவருடைய ஆழமான குரல் தனித்துவமானது. நாங்கள் வாய்ஸ் ஓவர் பணிகளுக்குச் செல்லும்போதுகூட, ‘உங்கள் குரல் அர்ஜுன் தாஸ் மாதிரி இருக்க வேண்டும்’ என்று சொல்வார்கள். அந்த அளவுக்கு அவருடைய குரல் ரசிகர்களிடம் தாக்கத்தை ஏற்படுத்தியுள்ளது. அவர் உண்மையிலேயே ஒரு திறமையான கலைஞர். இந்தப் படத்தில் அவருடன் இணைந்து பணியாற்றியது மகிழ்ச்சி.
இந்தப் படம் ஒரு சைக்கலாஜிக்கல் திரில்லர். ஒவ்வொரு மனிதருக்குள்ளும் ஒரு உளவியல் போராட்டம் இருக்கிறது. கமல் சார் சொன்னதுபோல, கடவுள் பாதி, மிருகம் பாதி என்பதுதான் மனிதர்களின் இயல்பு. அந்த மனநிலையைப் படத்தில் வித்தியாசமாக அணுகியிருக்கிறார்கள்.
இயக்குநர் மதுமிதா எனக்கு நீண்டகால குடும்ப நண்பர். 2018ஆம் ஆண்டு என் அம்மா இறந்த பிறகு நான் மிகுந்த மனவேதனையில் இருந்தேன். அப்போது என்னைத் தொடர்புகொண்டு கேரளாவுக்கு வந்து நடிக்கும்படி அழைத்தவர் மதுமிதா. அந்தக் காலகட்டத்தில் என்னை மீண்டும் இயல்பு வாழ்க்கைக்குக் கொண்டுவந்தவர் அவர். அதற்காக அவருக்கு என் மனமார்ந்த நன்றியைத் தெரிவித்துக் கொள்கிறேன்.
மதுமிதா ஒரு சிறந்த இயக்குநர். அவருடைய படைப்பாற்றலும், நடிகர்களிடமிருந்து சிறந்த நடிப்பை வெளிக்கொண்டு வரும் விதமும் வியக்க வைக்கிறது. இந்தப் படத்தில் நான் நிறைய நகைச்சுவைக் காட்சிகளில் நடித்திருக்கிறேன். அர்ஜுன் தாஸின் நடிப்பு, அவருடைய உணர்வுபூர்வமான காட்சிகள் எனப் பல விஷயங்கள் படத்தில் சிறப்பாக அமைந்துள்ளன.
மேலும், இந்தப் படத்தில் அர்ச்சனா எனக்கு மனைவியாக நடித்திருக்கிறார். ஜாராவும் சிறப்பாக நடித்திருக்கிறார். அவருடைய வளர்ச்சியைப் பார்க்கும்போது மகிழ்ச்சியாக இருக்கிறது. மதுமிதா தேசிய அளவில் கவனம் ஈர்த்து வரும் நம் தமிழ் மண்ணின் பெண் என்பது நம் திரையுலகமே பெருமைப்பட வேண்டிய விஷயம்.
இந்தப் படத்தின் தலைப்பான ‘ஜான் டோ’ என்பதன் அர்த்தம் எனக்குத் தொடக்கத்தில் தெரியவில்லை. மருத்துவமனையில் அடையாளம் தெரியாத ஆண் நோயாளி ஒருவர் அனுமதிக்கப்பட்டிருந்தால் அவரைக் குறிப்பிடப் பயன்படுத்தப்படும் பெயர்தான் ஜான் டோ; பெண் நோயாளியாக இருந்தால் ஜேன் டோ என்று குறிப்பிடுவார்கள் என்பதைப் பின்னர்தான் தெரிந்துகொண்டேன். அந்த அளவுக்கு வித்தியாசமான பெயரையும், கதைக்களத்தையும் கொண்ட இந்தப் படத்தில் வாய்ப்பு வழங்கிய மதுமிதாவுக்கும் படக்குழுவினருக்கும் நன்றி” என்றார்.
நடிகை அர்ச்சனா பேசியதாவது:
“இந்தப் படத்தில் என்னுடைய கதாபாத்திரம் மிகவும் முக்கியமானது. அதற்கான நடிப்பும் மிகவும் அழுத்தமானதாக இருந்தது. படத்தைப் பார்க்கும்போது முதல் ஒரு நிமிடத்திலேயே என்னுடைய கதாபாத்திரத்தின் தாக்கத்தை உணர்வீர்கள். அந்த அளவுக்கு ஒரு கனமான நடிப்பை வழங்கியிருக்கிறேன். ஒரு சிறிய கதாபாத்திரத்தைக்கூட மிகுந்த அழுத்தமும் தாக்கமும் கொண்டதாக மாற்ற முடியும் என்பதை மதுமிதா மூலம் கற்றுக்கொண்டேன். என் மீது நம்பிக்கை வைத்து இந்த வாய்ப்பைக் கொடுத்த மதுமிதாவுக்கு மனமார்ந்த நன்றி.
இந்தப் படத்தில் பணியாற்றிய நடிகர்கள் மற்றும் தொழில்நுட்பக் கலைஞர்கள் அனைவரின் கூட்டு முயற்சியால்தான் ‘ஜான் டோ’ உருவாகியுள்ளது.. உங்கள் அனைவருக்கும் எனது வாழ்த்துகள். அர்கா நிறுவனத்துக்கும், தயாரிப்பாளர்களுக்கும் வாழ்த்துகள். தமிழ் சினிமாவுக்கு உங்களை வரவேற்கிறேன். தமிழ் திரையுலகில் நீங்கள் மேலும் பல சாதனைகளைப் படைக்க வேண்டும்” என்றார்.
ஒளிப்பதிவாளர் பிரீதா ஜெயராமன் பேசியதாவது:
“‘ஜான் டோ’ திரைப்படத்தில் ஒளிப்பதிவு ரீதியாக எங்களுக்கு முற்றிலும் புதிய அனுபவமாக இருந்தது நீருக்கடியில் படமாக்கிய காட்சிகள்தான். படத்தின் முக்கியமான ஒரு பகுதி நீருக்கடியில் நடைபெறுவதால், அதற்காக முன்கூட்டியே நிறைய திட்டமிட வேண்டியிருந்தது.
படத்தின் முன்தயாரிப்புப் பணிகளின்போதே காட்சிப் பிரிப்பு, காட்சிகளை மனதில் உருவகப்படுத்திப் பார்ப்பது (Pre-visualization) உள்ளிட்ட பல்வேறு பணிகளை மேற்கொண்டோம். நீருக்கடியிலேயே நேரடியாகப் படப்பிடிப்பையும் நடத்தினோம். இதற்காகப் பயிற்சி பெற்ற ஸ்கூபா டைவர்களைப் பயன்படுத்தினோம். நடிகர்களுக்கும் அதற்கேற்ற பயிற்சியும், சூழலுக்குப் பழகுவதற்கான ஏற்பாடுகளும் செய்யப்பட்டன. இது சவாலான பணியாக இருந்தாலும், திட்டமிட்டபடி சிறப்பாகச் செய்து முடித்தோம்” என்றார்.
படத்தொகுப்பாளர் விஜய் வெங்கடரமணன் பேசியதாவது:
“படத்தொகுப்பு என்பது ஒரு வகையில் கதையை மீண்டும் எழுதுவதுதான் (Editing is rewriting). இயக்குநர் எழுதிய கதையைப் படத்தொகுப்பு மேசைக்கு வந்த பிறகு, காட்சிகளின் வரிசை, அதன் அமைப்பு உள்ளிட்ட பல விஷயங்கள் மூலம் இன்னும் சிறப்பாக மாற்றியமைக்க முடியும்.
இயக்குநர் மதுமிதாவுடன் இணைந்து பணியாற்றி கிட்டத்தட்ட 20 ஆண்டுகளுக்கும் மேலாகிவிட்டது. எங்களுக்குள் நல்ல புரிதல் இருப்பதால், அவர் எதைப் படமாக்குகிறார், எதற்காக அந்தக் காட்சியை எடுக்கிறார் என்பது எனக்கு முன்கூட்டியே தெரிந்துவிடும். அவர் படப்பிடிப்பு நடத்திக்கொண்டிருக்கும்போதே நான் படத்தொகுப்புப் பணிகளைத் தொடங்கி, படத்தொகுக்கப்பட்ட காட்சிகளை அவருக்கு அனுப்பி வைப்பேன். இதனால் படப்பிடிப்பு நடைபெற்றுக் கொண்டிருக்கும்போதே படம் எப்படி உருவாகிறது என்பதை அவரால் பார்க்க முடியும். அந்த அளவுக்கு எங்களுக்குள் நல்ல ஒருங்கிணைப்பு இருக்கிறது” என்றார்.
ஆடை வடிவமைப்பாளர்கள் ப்ரியா கரண் மற்றும் ப்ரியா ஹரே பேசியதாவது:
“‘ஜான் டோ’ திரைப்படத்தில் கதையின் மர்மத்தன்மையை அதிகரிக்கும் வகையிலும், சில விஷயங்களைப் பார்வையாளர்களிடமிருந்து மறைத்து வைக்கும் வகையிலும் ஆடைகளின் நிறங்கள் மற்றும் வடிவமைப்புகளைப் பயன்படுத்தியுள்ளோம். அதேபோல், ஒவ்வொரு கதாபாத்திரத்தின் மனநிலையையும் அவர்களுடைய ஆடை வடிவமைப்பின் மூலம் வெளிப்படுத்த முயற்சி செய்துள்ளோம்.
ஒரு திரைப்படத்தில் காஸ்ட்யூம்கள் தனியாகத் தெரியாமல், கதாபாத்திரங்களுடன் இயல்பாகப் பொருந்திவிட்டால் அதுவே சிறந்த ஆடை வடிவமைப்பு என்று நாங்கள் நம்புகிறோம். ஒவ்வொரு கலைஞரும் ஒரே காட்சியில் தனித்துத் தெரிய வேண்டும் என்பதற்காக ஆடைகளை வடிவமைக்காமல், கதையின் சூழலுக்கும் கதாபாத்திரங்களுக்கும் பொருத்தமான வகையில் பணியாற்றியுள்ளோம். அந்த வகையில் ‘ஜான் டோ’ படத்தில் எங்களுடைய முயற்சி சிறப்பாக அமைந்திருக்கிறது என்று நம்புகிறோம்” என்றனர்.
ஒலி வடிவமைப்பாளர் அதுல் கிருஷ்ணா பேசியதாவது:
“இந்தப் படத்தில் பணியாற்றுவதற்கான அருமையான வாய்ப்பை வழங்கிய அனைவருக்கும் நன்றி. சிங்க் சவுண்ட் (Sync Sound) என்பது ஒரு நல்ல இயக்குநர், சிறந்த நடிகர்கள் மற்றும் தொழில்நுட்பக் குழுவினர் இருந்தால் மிகவும் எளிதாகச் செயல்படுத்தக்கூடிய ஒலிப்பதிவு முறையாகும். படப்பிடிப்பின்போதே நடிகர்கள் பேசும் வசனங்களையும், அந்தச் சூழலில் இயல்பாக உருவாகும் ஒலிகளையும் நேரடியாகப் பதிவு செய்வதுதான் சிங்க் சவுண்ட் முறை.
இந்த முறையால் நடிகர்கள் தங்களுடைய வசனங்களிலும், கதாபாத்திரத்தின் உணர்வுகளிலும் முழுமையாகக் கவனம் செலுத்த முடியும். சிங்க் சவுண்ட் முறையில் படப்பிடிப்பு நடைபெறும்போது அரங்கம் அமைதியாகவும், கட்டுப்பாட்டுடனும் இருக்கும். இது நடிகர்களுக்கு மட்டுமின்றி இயக்குநர், ஒளிப்பதிவாளர் உள்ளிட்ட தொழில்நுட்பக் கலைஞர்களும் தங்களுடைய பணிகளில் சிறப்பாகக் கவனம் செலுத்த உதவுகிறது.
‘மயக்கம் என்ன’ திரைப்படமும் சிங்க் சவுண்ட் முறையில் உருவான படம்தான். இந்த முறையில் பதிவு செய்யப்படுவதால் பார்வையாளர்கள் கதாபாத்திரங்களுடன் இன்னும் நெருக்கமாகத் தங்களை இணைத்துக்கொள்ள முடியும் என்று நான் நம்புகிறேன். அனைத்து இயக்குநர்களும் சிங்க் சவுண்ட் முறையில் திரைப்படங்களை உருவாக்க முன்வந்தால், அது திரைப்படங்களுக்கும், டப்பிங் கலைஞர்களுக்கும் நிச்சயம் பயனுள்ளதாக இருக்கும்” என்றார். தயாரிப்பு வடிவமைப்பாளர் அஷ்வினி காலே பேசியதாவது:
“‘ஜான் டோ’ திரைப்படத்திற்கான படப்பிடிப்பு இடங்களைத் தேர்வு செய்வதில் பல்வேறு சவால்களைச் சந்தித்தோம். குறிப்பாக, குட்டிக்கானம், பீர்மேடு உள்ளிட்ட மலைப்பகுதிகளில் சுமார் 38 நாட்கள் படப்பிடிப்பு நடைபெற்றது. படத்தில் இடம்பெறும் ஒரு வீடு ஒரு மலையிலும், மற்றொரு வீடு வேறொரு மலையிலும், காவல் நிலையம் மற்றொரு மலையிலும் அமைந்திருந்தது. இதுபோன்ற இடங்களைச் சென்றடைவதும், அங்கு படப்பிடிப்புக்கான ஏற்பாடுகளைச் செய்வதும் மிகவும் சவாலாக இருந்தது.
அதுமட்டுமின்றி, தொடர்ந்து பெய்த மழையும் படப்பிடிப்புப் பணிகளுக்குப் பெரும் சிரமத்தை ஏற்படுத்தியது. இருப்பினும், தயாரிப்புத் தரப்பினர் எங்களுக்குத் தேவையான அனைத்து வசதிகளையும் செய்து கொடுத்து முழு ஆதரவு அளித்தனர். குறிப்பாக, கேரளாவைச் சேர்ந்த லைன் புரொடக்ஷன் பொறுப்பாளர் ராஜீவ் சார் எங்களுக்கு மிகவும் உறுதுணையாக இருந்தார். படத்திற்குப் பொருத்தமான சிறந்த படப்பிடிப்பு இடங்களைத் தேர்வு செய்து கொடுத்தார். விரைவில் திரையில் அந்த இடங்களைப் பார்வையாளர்கள் காணும்போது எங்களுடைய உழைப்பைப் புரிந்துகொள்வார்கள்” என்றார்.
தயாரிப்பாளர் பிரசாத் பேசியதாவது:
“மதுமிதாவிடமிருந்து எங்களுக்கு ஒரு அற்புதமான கதைக்களம் கிடைத்தது. இதுவரை நான் பணியாற்றிய இயக்குநர்களிலேயே மதுமிதா மிகவும் அர்ப்பணிப்புடனும் கடின உழைப்புடனும் பணியாற்றக்கூடியவர். அவர் ஒரு சிறப்பான திரைப்படத்தைக் கொடுத்திருக்கிறார். இரண்டு நாட்களுக்கு முன்புதான் எங்கள் குழுவினருடன் இணைந்து படத்தைப் பார்த்தேன். எங்களுடைய நிறுவனத்தின் முதல் தமிழ்த் திரைப்படம் இது என்பதில் மிகவும் பெருமைப்படுகிறேன். இது எங்களுடைய முதல் படமாக மட்டுமல்லாமல், தொடர்ந்து பல தமிழ்ப் படங்களைத் தயாரிப்பதற்கான தொடக்கமாகவும் இருக்கும் என்று நம்புகிறேன்.
இந்தப் படத்தில் இணைந்ததற்காக அர்ஜுன் தாஸுக்கு நன்றி தெரிவித்துக் கொள்கிறேன். சந்துரு கதாபாத்திரத்தில் அவரைத் தவிர வேறு யாரையும் என்னால் நினைத்துப் பார்க்க முடியவில்லை. அவர் மிகச்சிறந்த நடிகர். இப்போது அவர் ஒரு திறமையான ராப் கலைஞராகவும் இருக்கிறார். படத்தில் பணியாற்றிய நடிகர்கள் மற்றும் தொழில்நுட்பக் கலைஞர்கள் அனைவருக்கும் நன்றி. அவர்களைப் பற்றி இயக்குநர் மதுமிதாவே பேசுவார் என்று நினைக்கிறேன். இந்தப் படத்தில் உழைத்த ஒவ்வொருவருக்கும் எனது மனமார்ந்த நன்றிகள்.
எங்களுடைய கூட்டாளிகளான நெட்ஃபிளிக்ஸ்( ஓடிடி பங்குதாரர்), ஜீ தமிழ்(சாட்டிலைட் பங்குதாரர்), டிவோ மற்றும் இசைப் பங்குதாரர்கள் அனைவருக்கும் நன்றி. குறிப்பாக ஏஜிஎஸ் (AGS) நிறுவனத்துக்கும், அர்ச்சனா, ஐஸ்வர்யா மற்றும் ஏஜிஎஸ் (AGS) குழுவினருக்கும் நன்றியைத் தெரிவித்துக் கொள்கிறேன்.
இந்தப் படத்தைத் தெலுங்கில் தயாரிப்பதா அல்லது தமிழில் தயாரிப்பதா என்ற குழப்பம் ஆரம்பத்தில் எங்களுக்கு இருந்தது. எங்களுடைய பலம் தெலுங்குத் திரையுலகில் இருப்பதால் தெலுங்கில் தயாரிக்கலாம் என்று முதலில் நினைத்தோம். ஆனால், இந்தக் கதைக்கு மிகவும் அவசியமான உள்ளூர் கலாச்சாரப் பின்னணியும் இயல்புத்தன்மையும் தமிழில் படமாக்கும்போதுதான் சரியாக வெளிப்படும் என்பதை உணர்ந்தோம். அதே நேரத்தில் படத்தின் விநியோகம் குறித்த கவலையும் இருந்தது. ஏஜிஎஸ் (AGS) நிறுவனம் எங்களுடன் இணைந்ததால் இப்போது அந்தப் பொறுப்பு பாதுகாப்பான கைகளில் இருப்பதாக நம்புகிறேன். இத்தகைய மதிப்புமிக்க நிறுவனத்துடன் இணைந்திருப்பதில் மகிழ்ச்சி அடைகிறேன்.
‘ஜான் டோ’ ஒரு சிறந்த திரைப்படம். நவம்பர் 13ஆம் தேதி திரையரங்குகளில் வெளியாகும் இப்படத்தை அனைவரும் திரையரங்குகளுக்குச் சென்று பார்த்து ஆதரவு அளிக்க வேண்டும்” என்றார்.
குழந்தை நட்சத்திரம் நீரவ் பேசியதாவது:
“‘ஜான் டோ’ படப்பிடிப்புத் தளத்தில் பணியாற்றியது எனக்கு மிகவும் மகிழ்ச்சியான அனுபவமாக இருந்தது. இயக்குநர் மதுமிதா எனக்கு முழுமையான ஆதரவு கொடுத்தார். எப்படி நடிக்க வேண்டும் என்பதைப் பொறுமையாகச் சொல்லிக் கொடுத்து, மிகவும் சுதந்திரமாகவும் வசதியாகவும் நடிக்கச் வைத்தார். அதனால் படப்பிடிப்பில் எந்தவிதமான தயக்கமும் இல்லாமல் ஜாலியாகப் பணியாற்ற முடிந்தது.
அர்ஜுன் தாஸ், ஜாரா, சஞ்சனா நடராஜன் உள்ளிட்ட திறமையான கலைஞர்களுடன் இணைந்து நடித்தது மிகவும் மகிழ்ச்சியாக இருந்தது. ஆரம்பத்தில் அவர்களைப் பார்க்கும்போது கொஞ்சம் கூச்சமாகவும் தயக்கமாகவும் இருந்தது. ஆனால் அனைவரும் என்னைச் சகஜமாகப் பழக வைத்தார்கள். இந்தப் படத்தில் பணியாற்றியது மறக்க முடியாத அனுபவம்” என்றார்.
நடிகை ஜாரா பேசியதாவது:
“ஒரு படப்பிடிப்பில் ஒவ்வொரு காட்சியும் முடிந்த பிறகு, நடிகர்களுக்கு இயக்குநர் மற்றும் தொழில்நுட்பக் கலைஞர்களிடமிருந்து பாராட்டுகளும் கருத்துகளும் கிடைக்கும். ஒரு காட்சி சரியாக வரவில்லை என்றால், அதை எப்படிச் செய்தால் சிறப்பாக இருக்கும் என்பதையும் இயக்குநர் எடுத்துச் சொல்வார். ஒரு காட்சி சிறப்பாக அமைந்திருந்தால் ஒளிப்பதிவாளரும் இயக்குநரும் ஒருவரையொருவர் பாராட்டிக்கொள்வார்கள். அதேபோல், ஆடை வடிவமைப்பு மற்றும் கலை இயக்கம் ஆகியவை படத்தின் வண்ணங்கள், பின்னணி மற்றும் உணர்வுகளுக்கு ஏற்ப ஒன்றிணைந்து செயல்படும்.
ஆனால் இவை அனைத்தையும் தாண்டி, ஒரு திரைப்படத்திற்குக் கிடைக்க வேண்டிய மிக முக்கியமான அங்கீகாரம் பார்வையாளர்களிடமிருந்துதான் வர வேண்டும்.
குறிப்பாக, எங்களுடைய இயக்குநர் மதுமிதாவுக்கு அந்த அங்கீகாரத்தை வழங்கக்கூடியவர்கள் ரசிகர்களாகிய நீங்கள்தான். எனவே, நவம்பர் 13ஆம் தேதி அனைவரும் திரையரங்குகளுக்கு வந்து ‘ஜான் டோ’ திரைப்படத்தைப் பார்த்து ரசிக்க வேண்டும். நாங்கள் அனைவரும் மிகுந்த உழைப்பைக் கொடுத்து இந்தப் படத்தை உருவாக்கியிருக்கிறோம். உங்கள் நேரத்தையும் பணத்தையும் செலவழித்துப் பார்க்கும் அளவுக்கு இந்தப் படம் சிறப்பான திரையரங்க அனுபவத்தைத் தரும் என்று உண்மையாக நம்புகிறேன்” என்றார்.
நடிகை ஸ்ருஷ்டி பேசியதாவது:
“அனைவருக்கும் வணக்கம். எனக்குக் கொஞ்சம் தமிழ்தான் தெரியும் என்பதால் இங்கு பேசுவதற்கு மிகவும் பதற்றமாக இருக்கிறது. உண்மையில், நான் முதலில் கற்றுக்கொண்ட தமிழ் வார்த்தைகளே ‘தமிழ் தெரியாது’ என்பதுதான். ஆனால் இன்று உங்கள் அனைவருடனும் இந்த மகிழ்ச்சியான தருணத்தைப் பகிர்ந்துகொள்வதில் மிகவும் சந்தோஷமாக இருக்கிறேன்.
தமிழ்நாட்டுடன் எனக்கு ஒரு சிறப்பான நினைவு இருக்கிறது. வீட்டை விட்டு வெகுதூரம் நான் முதன்முதலில் பயணம் செய்தது சென்னைக்குத்தான். முதன்முதலில் விமானத்தில் பயணம் செய்து டெல்லியை விட்டு வேறொரு நகரத்திற்கு வந்ததும் சென்னை தான். அதேபோல், முதன்முதலில் கடலைப் பார்த்ததும் சென்னையில்தான். இப்போது என்னுடைய முதல் திரைப்படமும் தமிழ் திரைப்படமாக அமைந்திருப்பது தற்செயலானது என்று தோன்றவில்லை. இதற்குப் பின்னால் ஏதோ ஒரு பூர்வஜென்மத் தொடர்பு இருக்கலாம் என்று நினைக்கிறேன்.
என் மீது நம்பிக்கை வைத்து இந்த வாய்ப்பை வழங்கிய தயாரிப்பாளர்களுக்கு நன்றி.
மதுமிதா ஒரு சிறந்த இயக்குநர். அவர் உருவாக்கிய தர்ஷனா கதாபாத்திரம் என்னுடைய தனிப்பட்ட பயணத்திலும் மிகவும் முக்கியமானதாக இருக்கும். அந்தக் கதாபாத்திரத்தை எனக்கு வழங்கியதற்காக அவருக்கு மனமார்ந்த நன்றி. சக நடிகர்களான அர்ஜுன் தாஸ், சஞ்சனா, ஜாரா, நீரவ், அனுபமா மேடம் உள்ளிட்ட அனைவரும் என்னை ஒரு புதுமுகமாக உணர வைக்காமல், கேமரா முன்னாலும் பின்னாலும் மிகவும் வசதியாக இருக்க உதவினார்கள்.
ஒளிப்பதிவாளர் பிரீதா மேடம், ஒளி மற்றும் லென்ஸ் குறித்த நுணுக்கங்களைப் புரிந்துகொள்ள எனக்கு உதவியதற்கு நன்றி. ‘ஜான் டோ’ படக்குழுவில் பணியாற்றிய ஒவ்வொரு கலைஞருக்கும் எனது அன்பையும் நன்றியையும் தெரிவித்துக் கொள்கிறேன். உங்கள் அனைவருடைய அன்பும் ஆதரவும் எனக்கு மிகவும் முக்கியம். நாங்கள் அனைவரும் மிகுந்த உழைப்பைக் கொடுத்து இந்தப் படத்தை உருவாக்கியிருக்கிறோம். நவம்பர் 13ஆம் தேதி திரையரங்குகளுக்கு வந்து படத்தைப் பார்த்து ரசித்து ஆதரவு அளிக்குமாறு கேட்டுக்கொள்கிறேன்” என்றார்.
நடிகை சஞ்சனா நடராஜன் பேசியதாவது:
‘ஜான் டோ’ படத்தைப் பற்றிப் பேசத் தொடங்கினால், அனைவருக்கும் நன்றி சொல்வதிலேயே இந்த நிகழ்ச்சி முடிந்துவிடும். அதனால் அதையெல்லாம் படத்தின் வெற்றிவிழாவில் பார்த்துக்கொள்ளலாம்.
இந்தப் படத்தின் நடிகர்கள் மற்றும் தொழில்நுட்பக் கலைஞர்கள் அனைவருடனும் பணியாற்றியது மிகச்சிறந்த அனுபவம். நடிகையாக மட்டுமின்றி ஒரு மனிதராகவும் இவ்வளவு அற்புதமான குழுவுடன் இணைந்து பணியாற்றியதில் மகிழ்ச்சி. அர்ஜுன் தாஸுடன் நான் இணைந்து நடிக்கும் இரண்டாவது படம் இது. அதிலும் இந்தப் படத்தில் நாங்கள் இருவரும் காவல்துறை அதிகாரிகளாக நடித்திருப்பது மகிழ்ச்சியையும் பெருமையையும் அளிக்கிறது. அர்ஜுன் மிகவும் இனிமையானவர், நட்பாகப் பழகக்கூடியவர். படப்பிடிப்புத் தளத்தில் எப்போதும் ஜாலியாகவும் கலகலப்பாகவும் இருப்பார். அவருடன் தீவிரமான காட்சிகளில் நடிப்பதுகூட சில நேரங்களில் சவாலாக இருக்கும். அவருடன் மீண்டும் பணியாற்றியது சிறப்பான அனுபவம். இன்னொரு படத்திலும் அவருடன் இணைந்து நடிக்க ஆவலாக இருக்கிறேன்.
இந்தப் படத்திற்காக சுமார் 35 நாட்கள் தொடர்ந்து பணியாற்றினேன். நான் இதுவரை பணியாற்றிய குழுக்களில் மிகவும் திட்டமிட்டும், நேரத்தை வீணாக்காமலும், திறமையாகவும் பணியாற்றிய குழு இதுதான். தினமும் படப்பிடிப்புக்குச் செல்வதே உற்சாகமாக இருக்கும். குறிப்பாக, படக்குழுவில் நிறைய பெண்கள் இருந்தது கூடுதல் மகிழ்ச்சியாக இருந்தது. அர்ஜுன் சாரை நாங்கள் அனைவரும் படப்பிடிப்பில் அடிக்கடி கலாய்ப்போம். அவரும் அதற்குப் பதிலடி கொடுப்பார். எப்போது யாரைக் கலாய்க்க வேண்டும் என்பது அவருக்கு நன்றாகத் தெரியும். இப்படி கலகலப்பான பல நினைவுகள் இந்தப் படப்பிடிப்பில் இருக்கின்றன. தயாரிப்பாளர்கள், விநியோகஸ்தர்கள் மற்றும் படக்குழுவினர் அனைவரும் எனக்கு அளித்த ஆதரவுக்கும் அன்புக்கும் நன்றி.
‘ஜான் டோ’ ஒரு சிறப்பான சென்டிமென்ட் கலந்த சைக்கலாஜிக்கல் திரில்லர் திரைப்படம். நான் இன்னும் முழுப் படத்தையும் பார்க்கவில்லை என்றாலும், படத்தின் சில காட்சிகளைப் பார்த்திருக்கிறேன். படத்தைப் பார்த்த பலரும் என்னிடம் மிகவும் நன்றாக இருப்பதாகத் தெரிவித்துள்ளனர். நவம்பர் 13ஆம் தேதி அனைவரும் திரையரங்குகளுக்குச் சென்று படத்தைப் பாருங்கள்.
குடும்பத்துடன் குழந்தைகளையும் அழைத்துச் சென்று ரசிக்கக்கூடிய வகையில் படம் இருக்கும். திரையரங்கிலிருந்து வெளியே வரும்போது ஒரு சிறந்த திரைப்படத்தைப் பார்த்த அனுபவம் உங்களுக்குக் கிடைக்கும் என்று நம்புகிறோம். ஊடக நண்பர்களும் ரசிகர்களும் எங்களுக்கு ஆதரவு அளிக்க வேண்டும். அப்போதுதான் இதுபோன்ற மேலும் பல நல்ல திரைப்படங்களில் எங்களால் பணியாற்ற முடியும்” என்றார்.
நடிகர் அர்ஜுன் தாஸ் பேசியதாவது,
“முதலில் இந்தப் பத்திரிகையாளர் சந்திப்புக்கு வந்திருக்கும் ஊடக நண்பர்கள் அனைவருக்கும் நன்றி. இந்தப் படத்தின் கதையை முதலில் இயக்குநர் மதுமிதா என்னிடம் சொன்னபோது, கதையைப் படித்துப் பாருங்கள் என்றுதான் கூறினார். கதையைப் படித்துவிட்டு நடிக்கச் சம்மதம் தெரிவித்தேன். அதன்பிறகு இப்படத்தை ‘பாகுபலி’ உள்ளிட்ட பிரம்மாண்ட படங்களைத் தயாரித்த அர்கா மீடியாவொர்க்ஸ் நிறுவனம் தயாரிக்கிறது என்று சொன்னபோது மிகவும் மகிழ்ச்சியாக இருந்தது. அர்கா நிறுவனத்துடன் பணியாற்றுவது எனக்குப் பெருமையான விஷயம். எங்கள் படத்தின் மீது நம்பிக்கை வைத்த தயாரிப்பாளர்கள் அனைவருக்கும் நன்றி.
இந்தப் படத்தில் நடித்த நீரவ் மிகவும் அழகாகவும், இயல்பாகவும் நடித்திருக்கிறார். அவருக்கு இன்னும் நிறைய பட வாய்ப்புகள் கிடைக்க வேண்டும். ஜாராவுக்கும் என்னுடைய வாழ்த்துகள். ஸ்ருஷ்டி இந்தப் படத்திற்காக மிகவும் கடினமாக உழைத்திருக்கிறார். குறிப்பாக, அவருக்குத் தமிழ் பேசத் தெரியாவிட்டாலும் சிங்க் சவுண்ட் முறையில் படப்பிடிப்பு நடைபெற்றபோது கிடைக்கும் நேரங்களில் வசனங்களைத் தொடர்ந்து பயிற்சி செய்து, ஒரே டேக்கில் சிறப்பாகப் பேசி முடிப்பார். சஞ்சனா இந்தப் படத்தில் மிகச்சிறப்பாக நடித்திருக்கிறார். பிரீதா மேடம் எங்களுடைய ஒளிப்பதிவாளர். எந்த இடத்திற்குச் சென்றாலும் மிகவும் இயல்பாகப் படப்பிடிப்பைத் தொடங்கிவிடுவார். தயாரிப்பு வடிவமைப்பாளர் அஷ்வினி மேடமும் அவரது குழுவினரும் படப்பிடிப்புத் தளத்தில் தொடர்ந்து ஓடிக்கொண்டே இருப்பார்கள். ஒவ்வொரு ஃபிரேமையும் சிறப்பாகக் கொண்டுவருவதில் அதிக கவனம் செலுத்தினார்கள். காஸ்ட்யூம் டிசைனர்களான பிரியா ஹரி மற்றும் பிரியா கரண் இருவரும் ஒருவரை ஒருவர் பார்த்துக்கொண்டே தங்களுக்குள் புரிந்துகொண்டு பணியாற்றுவார்கள். அவர்களுடைய ஒருங்கிணைப்பு மிகவும் ஆச்சரியமானது. அதேபோல் அனு மேடம், அதுல் கிருஷ்ணா, ராஜேஷ், உதவி இயக்குநர்கள் மற்றும் ஒட்டுமொத்த தொழில்நுட்பக் குழுவினருக்கும் நன்றி. படத்தொகுப்பாளர் விஜய் வெங்கடரமணன் அதிகம் பேசமாட்டார். ஆனால், அவருடைய பணி படத்தை மிகச்சிறப்பாக வடிவமைத்திருக்கிறது.
அர்ச்சனா மேடம் இந்தப் படத்தில் என்னுடைய அம்மாவாக நடித்திருக்கிறார். அவருடன் எனக்கு ஒரு சிறப்பான நினைவு இருக்கிறது. ‘கைதி’ படத்திற்காக எனக்குக் கிடைத்த முதல் விருது ஜீ விருது தான். அந்த நிகழ்ச்சியைத் தொகுத்து வழங்கியது அர்ச்சனா மேடம். அதன்பிறகு அவர் தொகுத்து வழங்கும் விருது விழாக்களில் எனக்கு விருது கிடைப்பது வழக்கமாகிவிட்டது. அதனால் அவரை என்னுடைய அதிர்ஷ்ட தேவதை என்று அழைப்பேன். இந்தப் படத்திலும் மிகவும் அழகாக நடித்திருக்கிறார். இயக்குநர் மதுமிதாவுடன் இது எனக்கு இரண்டாவது படம். ஆரம்பத்தில் அவரை மேடம் என்று அழைத்தாலும், எங்களுடைய நீண்ட பயணத்திற்குப் பிறகு இப்போது மதுமிதா என்று நட்புடன் அழைக்கிறேன். இதற்கு முன்பு ஒரு படத்திற்காக என்னை ஆடிஷனுக்கு அழைத்திருந்தார். அப்போது ஆடிஷன் செய்து அனுப்பினேன். அவர் அதைத் தேர்வு செய்ததாகத் தகவல் வந்தபோது மிகவும் மகிழ்ச்சியாக இருந்தது. இப்போது ‘ஜான் டோ’ படத்திற்காக மீண்டும் என்னைத் தொடர்புகொண்டு இந்தக் கதாபாத்திரத்திற்கு நீங்கள் பொருத்தமாக இருப்பீர்கள் என்று கூறினார். அவருடன் இணைந்து பணியாற்றியது சிறப்பான அனுபவம். மதுமிதா மிகவும் அர்ப்பணிப்புடன், முழுமையாகத் திரைப்படத்தைப் பற்றியே சிந்தித்துக்கொண்டிருக்கும் இயக்குநர். ஒரு பெண் இயக்குநராக மட்டுமல்லாமல், ஒரு ஒட்டுமொத்த படையையே வழிநடத்தும் ஒருவராகப் பணியாற்றியிருக்கிறார். அவருக்குத் துணையாகத் திறமையான தொழில்நுட்பக் கலைஞர்களையும் தேர்வு செய்திருக்கிறார்.
இந்தப் படத்திற்கு இசையமைத்த முஜீப் மஜீத் மற்றும் பாடகர்கள் உள்ளிட்ட அனைவருக்கும் நன்றி. குறிப்பாக, என்னுடைய சகோதரி மாளவிகாவும் இந்தப் படத்தில் ஒரு பாடலைப் பாடியிருக்கிறார். குடும்பத்தினருக்காகப் பாடல் பாடுவதற்கு அவருடைய குரலைப் பரிசோதித்துப் பார்க்கும்படி மதுமிதாவிடம் கேட்டேன். அவர் ஆடிஷனில் தேர்வானது எனக்கு மகிழ்ச்சியாக இருந்தது. படத்தை வழங்கும் ஏஜிஎஸ் (AGS) நிறுவனம், அர்ச்சனா மேடம், ஐஸ்வர்யா மேடம் மற்றும் அவர்களுடைய குழுவினருக்கும் நன்றி. நெட்ஃபிளிக்ஸ், ஜீ தமிழ், டிவோ உள்ளிட்ட நிறுவனங்களுக்கும் நன்றியைத் தெரிவித்துக் கொள்கிறேன். ‘ஜான் டோ’ ஒரு சைக்கலாஜிக்கல் திரில்லர் திரைப்படம் மட்டுமல்ல; இதில் வலுவான உணர்வுபூர்வமான அம்சங்களும் இடம்பெற்றுள்ளன. பார்வையாளர்களை இருக்கையின் நுனியில் அமர்ந்து பார்க்க வைக்கும் திரில்லராகவும் இருக்கும். நவம்பர் 13ஆம் தேதி திரையரங்குகளில் வெளியாகும் இப்படத்தை அனைவரும் பார்த்து ஆதரவு அளிக்க வேண்டும். படம் நிச்சயம் உங்களுக்குப் பிடிக்கும் என்று நம்புகிறேன்” என்றார்.
இயக்குநர் மதுமிதா பேசியதாவது,
“‘ஜான் டோ’ திரைப்படத்தின் டிரெய்லரை வெளியிட ஆதரவளித்த கார்த்திக் சுப்புராஜ், விஜய் ஆண்டனி, லோகேஷ் கனகராஜ், பா. ரஞ்சித், புஷ்கர் – காயத்ரி உள்ளிட்ட அனைவருக்கும் நன்றி. ‘பாகுபலி’ படத்தைத் தயாரித்த அர்கா மீடியாவொர்க்ஸ் நிறுவனம் தமிழில் இப்படத்தைத் தயாரித்திருப்பது எங்களுக்குப் பெருமை. தயாரிப்பாளர்கள் ஷோபு, பிரசாத் மற்றும் அவர்களுடைய குழுவினர் ஒவ்வொரு கட்டத்திலும் எங்களுக்கு மிகப்பெரிய ஆதரவையும் ஊக்கத்தையும் அளித்தனர். என்னுடைய உதவி இயக்குநர்கள் மற்றும் தொழில்நுட்பக் கலைஞர்கள் அனைவரும் இரவு பகலாக உழைத்திருக்கிறார்கள்.
எந்த ஜானரில் திரைப்படம் உருவாக்கினாலும் மனித உணர்வுகள்தான் என்னுடைய படங்களின் முக்கிய அம்சமாக இருக்கும். ‘ஜான் டோ’ ஒரு சைக்கலாஜிக்கல் திரில்லர். கேரளா – தமிழ்நாடு எல்லையில் அமைந்துள்ள குறிஞ்சி மேடு என்ற மலைப்பிரதேசத்தில் கதை நடைபெறுகிறது. அர்ஜுன் தாஸ் கேரள காவல்துறை அதிகாரியாகவும், சஞ்சனா தமிழ்நாடு காவல்துறை அதிகாரியாகவும் நடித்துள்ளனர். இந்தப் படத்தின் மூலம் எனக்கு ஒரு அக்கா கிடைத்திருக்கிறார் என்றால் அது அர்ச்சனா மேடம்தான். அவர் எனக்குப் படப்பிடிப்புத் தளத்தில் மிகப்பெரிய ஆதரவாக இருந்தார்.
இந்த நிகழ்ச்சியில் வழங்கிய சிவப்பு நிற டெடி பியருக்கும் ஒரு அர்த்தம் இருக்கிறது. ஒவ்வொருவருக்கும் சில குறைகள் இருந்தாலும் நான் போதுமா!? என்ற கேள்வி மனதில் அடிக்கடி எழும் , நாம் போதும்!!! என உணர்த்துவதற்காக தான் அதை வழங்கினோம். ஒரு நல்ல கணவராக, மனைவியாக, குழந்தையாக, நடிகராக அல்லது தொழில்நுட்பக் கலைஞராக இருக்கிறோமா என்ற கேள்வி எல்லோருக்குள்ளும் இருக்கிறது. அதற்கான பதில், நம்மிடம் குறைகள் இருந்தாலும் நாம் நம்முடைய இடத்தில் சிறந்தவர்கள்தான் என்பதுதான்.
ஒரு இயக்குநருக்கான உண்மையான அங்கீகாரம் பார்வையாளர்களிடமிருந்துதான் கிடைக்கும். நெட்ஃபிளிக்ஸ், ஜீ தமிழ், திவோ மற்றும் ஏஜிஎஸ் போன்ற நிறுவனங்கள் படத்தைப் பார்த்துவிட்டு எங்களுடன் இணைந்திருப்பது மிகப்பெரிய நம்பிக்கையை அளித்துள்ளது. நவம்பர் 13ஆம் தேதி திரையரங்குகளில் வெளியாகும் ‘ஜான் டோ’ திரைப்படத்தை அனைவரும் பார்த்து ஆதரவு அளிக்க வேண்டும்” நன்றி என்றார்.
‘பாகுபலி’ உள்ளிட்ட பிரம்மாண்ட படைப்புகளைத் தயாரித்த அர்கா மீடியாவொர்க்ஸ் (Arka Mediaworks) நிறுவனம் சார்பில் ஷோபு யார்லகட்டா (Shobu Yarlagadda), பிரசாத் தேவினேனி (Prasad Devineni) ஆகியோர் தயாரித்துள்ள இப்படத்தை இயக்குநர் மதுமிதா இயக்கியுள்ளார். அர்ஜுன் தாஸ் கதையின் நாயகனாக நடித்துள்ள இப்படத்தில் சஞ்சனா நடராஜன், ஸ்ருஷ்டி, ஜாரா வினீத் சந்தோக், நீரவ் உள்ளிட்ட பலர் நடித்துள்ளனர்.
இயக்குநர் மதுமிதா மற்றும் நிக்கோலஸ் செவாலியர் (Nicholas Chevaillier) இணைந்து படத்தின் கதை மற்றும் திரைக்கதையை எழுதியுள்ளனர். படத்திற்கு பிரீதா ஜெயராமன் ISC ஒளிப்பதிவு செய்துள்ளார். முஜீப் மஜீத் இசையமைக்க, ஆர்டிஸ்ட் 404 (Artist 404) கூடுதல் இசைப் பணிகளை மேற்கொண்டுள்ளது. படத்தொகுப்பை விஜய் வெங்கடரமணன் கவனித்துள்ளார். தயாரிப்பு வடிவமைப்பாளராக அஷ்வினி காலே பணியாற்றியுள்ளார்.
அர்ஜுன் தாஸ் முதன்முறையாக காவல் அதிகாரி கதாபாத்திரத்தில் நடித்திருப்பது இப்படத்தின் மீதான எதிர்பார்ப்பை மேலும் அதிகரித்துள்ளது. அர்கா மீடியாவொர்க்ஸ் நிறுவனத்தின் தயாரிப்பு, அர்ஜுன் தாஸின் வித்தியாசமான கதாபாத்திரம், மதுமிதாவின் இயக்கம் எனப் பல எதிர்பார்ப்புகளை ஏற்படுத்தியுள்ள ‘ஜான் டோ’ திரைப்படம் நவம்பர் 13ஆம் தேதி திரையரங்குகளில் வெளியாகிறது.
லேடீஸ் சர்க்கிள் இந்தியா அமைப்பு, ஸ்ரீ ராமச்சந்திரா மருத்துவக் கல்வி மற்றும் ஆராய்ச்சி நிறுவனத்துடன் இணைந்து புற்றுநோயால் பாதிக்கப்பட்டவர்களுக்கு உதவும் வகையில் 800-க்கும் மேற்பட்டோர் முடிதானம் செய்யும் சாதனை நிகழ்ச்சியை சௌந்தர்யா ரஜினிகாந்த் தொடங்கி வைத்தார்!
இதில் சிறப்பு விருந்தினராகப் பங்கேற்ற இயக்குநரும் திரைப்படத் தயாரிப்பாளருமான சௌந்தர்யா ரஜினிகாந்த் நிகழ்ச்சியைத் தொடங்கி வைத்து சிறப்புரையாற்றினார்.
தொடர்ந்து செய்தியாளர்களிடம் பேசிய அவர், தனது பாட்டிக்கும் புற்றுநோய் பாதிப்பு ஏற்பட்டு, அதன் காரணமாக முடி உதிர்வு ஏற்பட்டதை நேரில் பார்த்ததாகக் குறிப்பிட்டார். புற்றுநோயால் பாதிக்கப்பட்டவர்கள் முடி இழப்பால் எதிர்கொள்ளும் சிரமங்களை தன்னால் உணர முடிவதாகவும், அவர்களுக்கு உதவும் வகையில் முடிதானம் செய்வது மிகவும் வரவேற்கத்தக்க செயல் என்றும் தெரிவித்தார்.
மேலும், சமூக வலைதளங்களை நல்ல செயல்களுக்காகப் பயன்படுத்த வேண்டும் என்றும், இதுபோன்ற சமூக நலன் சார்ந்த நிகழ்வுகளை அதிக அளவில் சமூக வலைதளங்களில் பகிர்ந்து கொள்ள வேண்டும் என்றும் கேட்டுக்கொண்டார். இதுபோன்ற நல்ல முயற்சிகளுக்கு தன்னால் முடிந்த ஆதரவையும் வழங்குவேன் என சௌந்தர்யா ரஜினிகாந்த் தெரிவித்தார்.
தனது பிறந்தநாளில் ஷாருக்கான், வரவிருக்கும் ‘கிங் – KING’ திரைப்படத்தில் இடம்பெற்ற ‘தூ மில் ஜாயே – Tu Mil Jaaye’ எனும் முதல் பாடலை வெளியிட்டிருக்கிறார். இந்தப் பாடலின் மூலம், ஒரு ராஜாவைப் போல் எப்படி நேசிக்க வேண்டும் என்பதை உலகிற்கு அவர் காட்டியிருக்கிறார். காதல் – அதிரடி – அவரது மிரட்டலான, திகிலூட்டும் பாணி ஆகியவை கலந்த இந்தப் பாடலில் தீபிகா படுகோனும் இடம் பிடித்துள்ளார். மேலும், இந்தப் பாடலில் அர்ஜித் சிங் (Arijit Singh) மற்றும் எட் ஷீரன் (Ed Sheeran) ஆகியோரின் உலகளாவிய இசைப் பங்களிப்பும் இடம்பெற்றுள்ளது.
ஷாருக்கானின் ரசிகர்களுக்கு இதைவிட ஆகச்சிறந்த பிறந்தநாள் பரிசு இருக்க முடியாது. பாலிவுட் சூப்பர் ஸ்டார் ஷாருக்கானின் விரைவில் வெளியாகவுள்ள அதிரடித் திரைப்படமான ‘கிங் – KING’ படத்தின் முதல் பாடலான ‘தூ மில் ஜாயே – Tu Mil Jaaye’ பாடலை வெளியிட்டுள்ளார். இது இசை மற்றும் திரையுலகின் மிக முக்கியமான கலைஞர்களை ஒன்றிணைக்கிறது. அர்ஜித் சிங்கின் அற்புதமான குரலும், எட் ஷீரனின் தனித்துவமான ராப் இசைப் பாணியும் இணைந்து, உலகளாவிய இசை விருந்தாக இந்தப் பாடல் அமைந்துள்ளது. மேலும், ரசிகர்கள் பெரிதும் விரும்பும் ஷாருக்கான் – தீபிகா படுகோன் ஜோடியை மீண்டும் திரையில் கொண்டு வருகிறது.
‘கிங் – KING’ திரைப்படத்தின் உலகத்தை ரசிகர்களுக்கு அறிமுகப்படுத்தும் வகையிலான இந்தப் பாடல், ஷாருக்கானின் வசனத்துடன் தொடங்குகிறது. ‘நான் கொலையாளி அல்ல, காதலன்; என் இலக்கு என் காதலி. இதயத்தைத் துளைக்காதவன் என்ன காதலன்?..’ என்ற இந்த வசனம் அவரது கதாபாத்திரத்தின் தன்மையை அதிரடியாக வெளிப்படுத்துகிறது. தொடர்ந்து வரும் துள்ளலான காதல் நடனப் பாடல், பாலிவுட்டின் புகழ்பெற்ற அர்ஜித் சிங்கையும், உலகப் புகழ்பெற்ற பாப் இசை நட்சத்திரம் எட் ஷீரனையும் ஒன்றிணைக்கிறது. மதுபந்தி பாக்ஸியின் மந்திரக் குரலும் இதில் கூடுதலாக இணைந்து பாடலை மெருகேற்றுகிறது.
காதல் – அதிரடி மற்றும் மிரட்டலான உணர்வுகளை உள்ளடக்கிய இந்தப் பாடல், ‘கிங் – KING’ திரைப்படத்தின் புதிய பரிமாணத்தை ரசிகர்களுக்குக் காட்சிப்படுத்துகிறது.
இசையமைப்பாளர்கள் சச்சின் – ஜிகர் (Sachin – Jigar) இசையமைப்பில், பாடலாசிரியர் குமார் பாடலை எழுத, நடன இயக்குநர்கள் பியூஷ் – ஷாஜியாவின் நடன அமைப்பில், எட் ஷீரனின் ஆங்கில மொழியிலான ராப் பாடல் வரிகளுடன் உருவாகியுள்ள ‘தூ மில் ஜாயே – Tu Mil Jaaye’ பல படைப்பாற்றல் மிக்க கலைஞர்களின் சங்கமமாகத் திகழ்கிறது. பாடலின் இறுதியில் ஷாருக்கானின் மற்றொரு அதிரடியான வசனமும் இடம் பெறுகிறது. ‘இந்த முறை இதயத்தில் நெருப்பு பற்றிக் கொண்டது; உலகத்தையே எரித்து விடாமல் நான் ஓயமாட்டேன்!’ எனும் இந்த உரையாடல், ‘கிங் – KING’ திரைப்படத்தின் தீவிரமான மற்றும் கம்பீரமான சூழலை மீண்டும் உறுதிப்படுத்துகிறது.
திரையில் ஷாருக்கான் மற்றும் தீபிகா படுகோனின் கெமிஸ்ட்ரி எப்போதும் ரசிகர்களுக்கு மிகவும் பிடித்தமான ஒன்று. அது இந்த ‘தூ மில் ஜாயே – Tu Mil Jaaye’ பாடலிலும் எதிரொலிக்கிறது. அழகான காதல் தருணங்கள் – பிரம்மாண்டமான காட்சிகள் மூலம் அந்த மந்திரத்தை மீண்டும் திரையில் உயிர்ப்பித்திருக்கிறது. இதில் உள்ள அதிரடிக் காட்சிகள் – நேர்த்தியான மாற்றங்கள் – உரையாடல்கள் ஆகியவை, இது ஒரு சாதாரண பாடல் வெளியீட்டை விடக் கூடுதலான அனுபவத்தை வழங்குகின்றன. ‘கிங் – KING’ திரைப்படம் வெள்ளித்திரையில் காட்சிப்படுத்தவுள்ள உலகத்தைப் பற்றிய ஒரு முன்னோட்டத்தையும் ரசிகர்களுக்கு இந்தப் பாடல் வழங்குகிறது.
சித்தார்த் ஆனந்த் இயக்கத்தில், ரெட் சில்லீஸ் என்டர்டெய்ன்மெண்ட் (Red Chillies Entertainment) மற்றும் மார்ஃப்ளிக்ஸ் பிக்சர்ஸ் (Marflix Pictures) நிறுவனங்களின் தயாரிப்பில் உருவாகியுள்ள ‘கிங் – KING’, எதிர்வரும் டிசம்பர் மாதம் 24ஆம் தேதி முதல் உலகம் முழுவதும் திரையரங்குகளில் வெளியாகிறது.
‘தூ மில் ஜாயே – Tu Mil Jaaye’ பாடல் தற்போது அனைத்து இசைத் தளங்களிலும் கிடைக்கிறது. இதன் வீடியோவை ஜீ மியூசிக் கம்பெனி (Zee Music Company) மற்றும் டி-சீரிஸ் (T-Series) ஆகிய நிறுவனங்களின் யூடியூப் சேனல்களிலும் பார்வையிடலாம்.
அர்ஜுன் தாஸ் நடிப்பில் உருவாகியுள்ள சைக்கலாஜிக்கல் கிரைம் திரில்லர் திரைப்படமான ‘ஜான் டோ’ (John Doe), வரும் நவம்பர் 13ஆம் தேதி திரையரங்குகளில் வெளியாகிறது. இதனை அசத்தலான ஒரு போஸ்டர் மூலம் படக்குழு அதிகாரப்பூர்வமாக அறிவித்துள்ளது.
இந்த போஸ்டர், மர்மம் நிறைந்த கிரைம் திரில்லர் கதைக்களத்தை உணர்த்தும் வகையில் வடிவமைக்கப்பட்டுள்ளது. சிவப்பு மற்றும் கருப்பு வண்ணப் பின்னணியில், காவலர் சீருடையில் இருக்கும் அர்ஜுன் தாஸின் தோற்றம் மையமாக இடம்பெற்றுள்ளது. அவரைச் சுற்றிலும் பல்வேறு கதாபாத்திரங்களின் புகைப்படங்கள், மர்மமான காட்சிகள் மற்றும் விசாரணையுடன் தொடர்புடைய தடயங்களை நினைவூட்டும் அம்சங்கள் இடம்பெற்றுள்ளன. குறிப்பாக, கதாபாத்திரங்களின் முகபாவனைகளும், ஒன்றோடொன்று தொடர்புடையது போன்ற புகைப்படங்களின் தொகுப்பும் படத்தின் பின்னணியில் இருக்கும் மர்ம முடிச்சுகள் குறித்த எதிர்பார்ப்பை அதிகரிக்கின்றன. ‘ஜான் டோ’ என்ற தலைப்புடன் நவம்பர் 13ஆம் தேதி வெளியாகும் என்ற அறிவிப்பும் இடம்பெற்றுள்ள இந்தப் போஸ்டர், படத்தின் மீதான ரசிகர்களின் ஆர்வத்தைத் தூண்டியுள்ளது.
‘பாகுபலி’ உள்ளிட்ட பிரம்மாண்ட படைப்புகளைத் தயாரித்த அர்கா மீடியாஒர்க்ஸ் (Arka Mediaworks) நிறுவனம் சார்பில் ஷோபு யார்லகட்ட (Shobu Yarlagadda), பிரசாத் தேவினேனி ( Prasad Devineni) ஆகியோர் தயாரித்துள்ள இப்படத்தை இயக்குநர் மதுமிதா இயக்கியுள்ளார். அர்ஜுன் தாஸ் கதையின் நாயகனாக நடித்துள்ள இப்படத்தில் சஞ்சனா நடராஜன், ஸ்ருஷ்டி, ஜாரா வினீத் சந்தோக், நீரவ் உள்ளிட்ட பலர் நடித்துள்ளனர். இயக்குநர் மதுமிதா மற்றும் நிக்கோலஸ் செவாலியர் ( Nicholas Chevaillier) இணைந்து படத்தின் கதை மற்றும் திரைக்கதையை எழுதியுள்ளனர்.
படத்திற்கு பிரீதா ஜெயராமன் ISC ஒளிப்பதிவு செய்துள்ளார். முஜீப் மஜீத் இசையமைக்க, ஆர்டிஸ்ட் 404 (Artist 404) கூடுதல் இசைப் பணிகளை மேற்கொண்டுள்ளது. படத்தொகுப்பை விஜய் வெங்கடரமணன் கவனித்துள்ளார். தயாரிப்பு வடிவமைப்பாளராக அஷ்வினி காலே பணியாற்றியுள்ளார்.
“ஜான் டோ என்பவர் யார்? பாதிக்கப்பட்டவரா, கொலைகாரனா அல்லது காணாமல் போன குழந்தையா? என்பதைச் சுற்றி இப்படத்தின் கதை நகர்கிறது. சந்துரு உண்மையைத் தேடிப் பயணிக்கும்போது, ஜான் டோவைப் பற்றிய உண்மையை யாரும் எதிர்கொள்ளத் தயாராக இல்லையென்றால் என்ன செய்வது என்ற கேள்வி எழுகிறது. பார்வையாளர்களால் எளிதில் யூகிக்க முடியாத வகையில் திரைக்கதை அமைக்கப்பட்டுள்ளது.”
அர்ஜுன் தாஸ் முதன்முறையாக காவல் அதிகாரி கதாபாத்திரத்தில் நடித்திருப்பது இப்படத்தின் மீதான எதிர்பார்ப்பை மேலும் அதிகரித்துள்ளது. போஸ்டரில் காவலர் சீருடையில் அவர் தோன்றியிருப்பதும், மர்மம் நிறைந்த கதாபாத்திரங்களின் புகைப்படங்கள் இடம்பெற்றிருப்பதும் படத்தின் கதைக்களம் குறித்த பல்வேறு கேள்விகளை எழுப்புகின்றன.
அர்கா மீடியாஒர்க்ஸ் நிறுவனத்தின் தயாரிப்பு, அர்ஜுன் தாஸின் வித்தியாசமான கதாபாத்திரம், மதுமிதாவின் இயக்கம் எனப் பல எதிர்பார்ப்புகளை ஏற்படுத்தியுள்ள ‘ஜான் டோ’ திரைப்படம், நவம்பர் 13ஆம் தேதி திரையரங்குகளில் வெளியாகிறது.
● Critical stage of a complex heart surgery completed in approximately 13 minutes, with the
patient discharged just five days after surgery.
Chennai, 3 rd November 2026: Prashanth Hospitals, one of South India’s leading super-speciality healthcare providers, has successfully performed a complex heart surgery to save the life of a 51-year- old patient with a severely enlarged aorta measuring 10.5 cm. The aorta, the main blood vessel that carries blood from the heart to the rest of the body, had developed a tear in its wall, weakening the vessel and putting the patient at risk of a life-threatening rupture. The surgery was performed by a team of cardiac surgeons led by Dr. Koushik Kannan, Consultant – Cardiothoracic Surgeon, Prashanth Hospitals, Chennai and Dr. Sushma Nandipati, Senior Consultant – Cardiothoracic Anesthesia & Critical Care. The patient presented with severe chest pain and elevated blood pressure. Following an initial assessment, the medical team determined that immediate surgery was necessary. A team of cardiac specialists performed a complex procedure called a Modified Bentall procedure to replace the damaged section of the aorta near the heart. The surgery also involved replacing the aortic valve, reconnecting the arteries supplying blood to the heart muscle, and replacing part of the aortic arch, which carries blood towards the brain and upper body. During the procedure, the surgeons temporarily stopped blood circulation throughout the body to repair the damaged blood vessel. The patient’s body temperature was lowered to 18°C to help protect vital organs during this critical phase. Despite the complexity of the surgery, the team completed a crucial stage involving the joining of the replacement blood vessel in approximately 13 minutes. The patient recovered well, experienced no reported postoperative complications, and was discharged on the fifth day after surgery. Speaking about the case, Dr. Koushik Kannan, Consultant – Cardiothoracic Surgeon, Prashanth Hospitals, said, “The case was particularly challenging, as the aorta, the main blood vessel carrying blood from the heart to the rest of the body, had enlarged significantly and its wall had weakened due to a tear. The surgery required careful planning and precise coordination, particularly during the phase when blood circulation was temporarily stopped to repair the damaged vessel. Completing a critical stage of the surgery in approximately 13 minutes reflects the precision and coordination of the surgical
team. We are pleased that the patient recovered well and was discharged on the fifth day after surgery.”
About Prashanth Hospitals: Prashanth Hospitals is a multidisciplinary hospital that provides sophisticated and dedicated healthcare services by professionally trained experts. Prashanth Super- specialty Hospital at Velachery and Kolathur is one of the best- and well-known multi- specialty hospitals in Chennai. These facilities have well trained and skilled nursing staff who can take good care of the patients. The vision is to become an internationally renowned medical institute by providing excellent health care services to the patients, and the mission is to maintain the trust of the patient by providing good quality of health care. The values on which Prashanth Super-specialty Hospitals function are quality of care, respect, competence, the effectiveness of the treatment, safety, and creating health awareness among the people. Prashanth Super- specialty Hospitals also provides various health care packages for check-ups and diagnosis of any ailment and their treatments.
ஒரு மனிதர் அனைவருக்கும் எதிராக: மனோஜ் பாஜ்பாய், திவ்யா தத்தா மற்றும் போமன் இரானி நடிப்பில் உருவாகியுள்ள ‘லாஸ்ட் மேன் இன் டவர்’ திரைப்படம் நவம்பர் 6-ம் தேதி ஹிந்தி ZEE5-ல் வெளியாகிறது!
தேசியம், நவம்பர் 3, 2026: தொடர்ந்து மாறிக்கொண்டிருக்கும் ஒரு நகரத்தில், சில விஷயங்களை விட்டுப் பிரிவது மற்றவற்றை விட மிகவும் கடினமானது. மனோஜ் பாஜ்பாய், போமன் இரானி மற்றும் திவ்யா தத்தா நடிப்பில் உருவாகியுள்ள ‘லாஸ்ட் மேன் இன் டவர்’, தான் நேசிக்கும் வீட்டைப் பாதுகாப்பதற்காக ஒட்டுமொத்த அடுக்குமாடிக் குடியிருப்புச் சங்கத்திற்கும் எதிராகத் தனி மனிதராகப் போராடும் ஒருவரின் கதையைச் சொல்கிறது. மும்பையில் உள்ள தனது அடுக்குமாடிக் குடியிருப்பை காலி செய்ய மறுக்கும் ஓய்வுபெற்ற ஆசிரியரைப் பற்றிய விறுவிறுப்பான இந்தத் திரைப்படம், மறுமேம்பாட்டுத் திட்டத்தின் மூலம் கிடைக்கும் பெரும் தொகையைப் பொருட்படுத்தாமல் அவர் தனது நிலைப்பாட்டில் உறுதியாக இருப்பதை மையமாகக் கொண்டுள்ளது. இத்திரைப்படம் நவம்பர் 6, 2026 அன்று ஹிந்தி ZEE5-ல் டிஜிட்டல் பிரீமியராக வெளியாகவுள்ளது.
ராணா டகுபதி அவர்களின் ஸ்பிரிட் மீடியா தயாரிப்பில், பென் ரேகி இயக்கியுள்ள இத்திரைப்படம், அரவிந்த் அடிகா எழுதிய அதே பெயரிலான நாவலை அடிப்படையாகக் கொண்டது. மாறிவரும் மும்பை நகரத்தின் பின்னணியில் உருவாகியுள்ள இந்தத் திரைப்படம், மனிதர்களுக்கும் அவர்களின் வீடுகளுக்கும் இடையிலான உணர்வுப்பூர்வமான பிணைப்பு, மனித உறவுகளின் சிக்கல்கள் மற்றும் கடந்த காலத்திற்கும் மாற்றத்திற்கான வாக்குறுதிக்கும் இடையே ஏற்படும் கடினமான தேர்வுகள் ஆகியவற்றை ஆராய்கிறது. ஆழமான நடிப்பும், நடுத்தர வர்க்கத்தினரின் ஆசைகள் குறித்த நுட்பமான சித்தரிப்பும் கொண்ட ‘லாஸ்ட் மேன் இன் டவர்’, ஒரு தனிநபரின் கொள்கைகள் ஒட்டுமொத்த சமூகத்தின் எதிர்பார்ப்புகளுடன் மோதும்போது என்ன நடக்கிறது என்பதை எடுத்துரைக்கிறது.
முக்கிய விவரங்கள்:
தலைப்பு: லாஸ்ட் மேன் இன் டவர்
மொழி: ஹிந்தி
வகை: டிராமா / திரில்லர்
டிஜிட்டல் பிரீமியர்: நவம்பர் 6, 2026
இயக்கம்: பென் ரேகி
தயாரிப்பு நிறுவனம்: ஸ்பிரிட் மீடியா
நடிகர்கள்: மனோஜ் பாஜ்பாய், போமன் இரானி மற்றும் திவ்யா தத்தா
ஸ்ட்ரீமிங்: ஹிந்தி ZEE5
லாஸ்ட் மேன் இன் டவர் திரைப்படம் எதைப் பற்றியது?
மும்பையில் உள்ள பழமையான அடுக்குமாடிக் குடியிருப்புச் சங்கத்தின் பின்னணியில் அமைந்துள்ள ‘லாஸ்ட் மேன் இன் டவர்’, யோகேஷ் மிஸ்ரா (மனோஜ் பாஜ்பாய்) என்ற ஓய்வுபெற்ற இயற்பியல் ஆசிரியரின் கதையைப் பின்தொடர்கிறது. தனது அண்டை வீட்டார்களால் ஏற்றுக்கொள்ளப்பட்ட மறுமேம்பாட்டுத் திட்டத்தை எதிர்த்து நிற்கும் ஒரே நபராக அவர் இருக்கிறார். இந்தத் திட்டம் பலருக்கும் சிறந்த எதிர்காலத்தை உறுதியளித்தாலும், தான் நேசிக்கும் வீட்டையும், அன்பும் நெருக்கமும் நிறைந்த சமூகத்தையும் பாதுகாக்க யோகேஷ் உறுதியாக இருக்கிறார். ஆனால், அவரது இந்த நிலைப்பாடு அவரைத் தனிமைப்படுத்துகிறது. ஒரு காலத்தில் நண்பர்களாகக் கருதியவர்களே, அவரைத் தங்களின் ஆசைகளுக்கு இடையூறாக இருப்பவராகப் பார்க்கத் தொடங்குகின்றனர்.
இந்த மோதலின் மையத்தில் சங்கீதா பூரி (திவ்யா தத்தா) இருக்கிறார். புறக்கணிக்கப்பட்ட குடும்பத் தலைவியான அவர், சிறப்புத் தேவைகள் கொண்ட தனது மகனுக்கு சிறந்த வாழ்க்கையை அமைத்துத் தர வேண்டும் என்ற நம்பிக்கையுடன் இருக்கிறார். இதனால் அவர் யோகேஷுக்கு எதிரான நிலைப்பாட்டை எடுக்கிறார். மறுமேம்பாட்டுத் திட்டத்தை முன்னெடுத்துச் செல்லும் கட்டுமானத் திட்ட மேம்பாட்டாளர் தர்மேன் ஷா (போமன் இரானி), இந்த மோதலை மேலும் தீவிரமாக்குகிறார். மாறிவரும் மும்பையின் ஒரு சிறிய பிரதிபலிப்பாக அந்தக் குடியிருப்புச் சமூகம் மாறுகிறது. அங்கு முன்னேற்றத்திற்கான ஆசைகள், சமூக ஒற்றுமை மற்றும் ஒன்றாக வாழும் மதிப்புகளுடன் மோதுகின்றன. அரவிந்த் அடிகாவின் அதே பெயரிலான நாவலை அடிப்படையாகக் கொண்ட இந்தத் திரைப்படம், நடுத்தர வர்க்க வாழ்க்கையை நுட்பமாகச் சித்தரிப்பதுடன், தனது கொள்கைகளில் உறுதியாக இருப்பதால் ஏற்படும் தனிமையையும், கடந்த காலத்தைப் பாதுகாப்பதற்காக மற்றவர்களின் கனவுகளை எதிர்கொள்ள வேண்டிய சூழலில் உருவாகும் கடினமான முடிவுகளையும் ஆராய்கிறது.
யோகேஷ் மிஸ்ரா மாற்றத்தை ஏற்றுக்கொள்ள அஞ்சுகிறாரா அல்லது தனது வீட்டின் மீதான அவரது பற்றுதலுக்குப் பின்னால் வேறு ஏதேனும் காரணங்கள் உள்ளனவா? ஒரு இடத்தைச் சிறப்பானதாக மாற்றுவது அங்கு வாழும் மனிதர்களா அல்லது அந்த இடமும் அதனுடன் தொடர்புடைய நினைவுகளும் அதே அளவுக்கு முக்கியமானவையா? கடந்த காலம் இவ்வளவு அர்த்தமுள்ளதாக இருக்கும்போது, சிறந்த எதிர்காலத்திற்கான வாக்குறுதி நம்மை முன்னோக்கிச் செல்லச் செய்யப் போதுமானதாக இருக்குமா?
லாஸ்ட் மேன் இன் டவர் திரைப்படம் தனித்துவமாக இருப்பதற்கான காரணங்கள்:
அனைவருக்கும் எதிராகத் தனி மனிதனின் போராட்டம்: ஒரு மனிதனுக்கும் ஒட்டுமொத்த சமூகத்திற்கும் இடையிலான வலுவான மோதல்தான் இத்திரைப்படத்தின் மையக்கரு. தனது வீட்டைப் பாதுகாப்பதற்காக அண்டை வீட்டாருக்கு எதிராக யோகேஷ் மிஸ்ரா தனித்து நிற்கும்போது, தன்னைச் சுற்றியுள்ளவர்கள் வேறொரு எதிர்காலத்தைத் தேர்ந்தெடுத்துவிட்ட நிலையில், தனது கொள்கைகளில் உறுதியாக இருப்பதற்கான விலையை இந்தத் திரைப்படம் ஆராய்கிறது.
மாறும் மனித இயல்புகள்: நெருக்கமான உறவுகளைக் கொண்ட ஒரு குடியிருப்புச் சமூகமாகத் தொடங்கும் இடம், வெவ்வேறு நலன்களும் போட்டி நிறைந்த எதிர்பார்ப்புகளும் வெளிப்படும்போது படிப்படியாகப் பகைமை நிறைந்த இடமாக மாறுகிறது. யோகேஷ் தனது நிலைப்பாட்டில் உறுதியாக இருக்கும்போது, ஒருகாலத்தில் அவருடன் சமூகமாகப் பழகியவர்கள் அவரைத் தனிமைப்படுத்தி, அவருக்கு எதிராகத் திரும்புகின்றனர். மற்றவர்கள் விரும்பும் ஒன்றை ஒருவர் எதிர்க்கும்போது மனிதர்களின் இயல்பு எவ்வளவு விரைவாக மாறுகிறது என்பதையும், தனிப்பட்ட நலன்கள் எவ்வாறு அன்பு, நட்பு மற்றும் சமூகப் பிணைப்புகளைச் சிதைக்கின்றன என்பதையும் இத்திரைப்படம் எடுத்துக்காட்டுகிறது.
எளிதான பதில்கள் இல்லாத மோதல்: வழக்கமான சரி, தவறு என்ற இரு நிலைகளைக் கடந்து, ஒவ்வொரு குடியிருப்பாளரின் முடிவுகளுக்குப் பின்னால் இருக்கும் வெவ்வேறு தேவைகள், தனிப்பட்ட போராட்டங்கள் மற்றும் எதிர்பார்ப்புகளை இத்திரைப்படம் ஆராய்கிறது. இந்த மோதலைப் பல்வேறு கோணங்களில் பார்க்கும்படி பார்வையாளர்களைத் தூண்டுகிறது.
மனோஜ் பாஜ்பாயின் ஆழமான நடிப்பு: யோகேஷ் மிஸ்ராவாக நடிக்கும் பாஜ்பாய், தனது கொள்கைகள், உணர்வுப்பூர்வமான பற்றுதல் மற்றும் அதிகரிக்கும் தனிமை ஆகியவற்றுக்கு இடையே சிக்கித் தவிக்கும் ஒரு மனிதனின் முரண்பாடுகளைத் துல்லியமாக வெளிப்படுத்துகிறார். யோகேஷின் பிடிவாதத்திற்குப் பின்னால் இருக்கும் பலவீனத்தையும், தனது நிலைப்பாட்டில் உறுதியாக இருப்பதால் ஏற்படும் தனிமையையும் அவரது நுட்பமான நடிப்பு வெளிப்படுத்துகிறது.
சங்கீதா பூரி கதாபாத்திரத்திற்கு உணர்வுப்பூர்வமான ஆழத்தைச் சேர்க்கும் திவ்யா தத்தா: தனது குடும்பத்திற்கு சிறந்த எதிர்காலத்தை அமைத்துத் தர வேண்டும் என்ற நம்பிக்கையுடனும், தனிப்பட்ட சூழ்நிலைகளின் உந்துதலுடனும் செயல்படும் சங்கீதா, யோகேஷுக்கு வலுவான எதிர்நிலையாக உருவெடுக்கிறார். அவரது செயல்கள் கடுமையாகவும் துணிச்சலாகவும் இருந்தாலும், அவற்றுக்குப் பின்னால் இருக்கும் காரணங்களைப் புரிந்துகொள்ளும் வகையில் திவ்யா தத்தா அந்தக் கதாபாத்திரத்திற்கு ஆழம் சேர்த்துள்ளார்.
மறுமேம்பாட்டுப் போராட்டத்திற்கு நுட்பமான பரிமாணம் சேர்க்கும் போமன் இரானி: கட்டுமானத் திட்ட மேம்பாட்டாளர் தர்மேன் ஷாவாக நடிக்கும் இரானி, அமைதியான மற்றும் மற்றவர்களைச் சம்மதிக்க வைக்கும் தன்மையுடன் இந்த மோதலுக்குள் நுழைகிறார். இதனால் ஒரு குடியிருப்பாளர் மற்றும் கட்டுமான நிறுவனத்திற்கு இடையிலான சாதாரணப் போட்டியாக இல்லாமல், இந்த மோதல் பல்வேறு பரிமாணங்களைக் கொண்டதாக மாறுகிறது.
குடியிருப்புச் சமூகமே ஒரு கதாபாத்திரமாக மாறுவது: அன்றாட உரையாடல்கள், அண்டை வீட்டாரின் கிசுகிசுக்கள், கூட்டணிகள், கருத்து வேறுபாடுகள் மற்றும் சமூகத் தீர்ப்புகள் எனப் பல அம்சங்கள் மூலம், தனிப்பட்ட நலன்கள் கூட்டுப் பிணைப்புகளை விட முக்கியத்துவம் பெறும்போது ஒரு பழக்கமான சமூகம் எவ்வளவு விரைவாகப் பிளவுபடுகிறது என்பதை இத்திரைப்படம் சித்தரிக்கிறது.
நடுத்தர வர்க்கத்தினரின் எதிர்பார்ப்புகள் குறித்த சமகாலப் பார்வை: நகர்ப்புற மறுமேம்பாடு, நிதிப் பாதுகாப்பின்மை மற்றும் சிறந்த வாழ்க்கையைத் தேடும் முயற்சி ஆகியவற்றின் அழுத்தங்களை ஆராய்வதன் மூலம், தங்களுக்குத் தெரிந்த வாழ்க்கை முறையைப் பாதுகாப்பதற்கும் புதிய மாற்றங்களை ஏற்றுக்கொள்வதற்கும் இடையே சிக்கித் தவிக்கும் நடுத்தர வர்க்கக் குடியிருப்பாளர்களின் இக்கட்டான சூழ்நிலையை இத்திரைப்படம் பிரதிபலிக்கிறது.
சிந்திக்கத் தூண்டும் நாவல் தழுவல்: அரவிந்த் அடிகாவின் நாவலை அடிப்படையாகக் கொண்ட இத்திரைப்படம், சொந்தம், அன்பு, மற்றவர்களின் உணர்வுகளைப் புரிந்துகொள்வது மற்றும் தனிப்பட்ட கொள்கைகளின் எல்லைகள் குறித்த ஆழமான கேள்விகளை எழுப்புகிறது. ஒரு இடத்தை வீடாக மாற்றுவது எது, ஒரு சமூகத்தால் அதன் எதிர்காலம் குறித்து ஒருமித்த முடிவுக்கு வர முடியாதபோது என்ன நடக்கிறது என்பதைப் பற்றி பார்வையாளர்களைச் சிந்திக்க வைக்கிறது.
அதிகாரப்பூர்வ அறிக்கைகள்:
இயக்குநர் பென் ரேகி கூறியதாவது, “லாஸ்ட் மேன் இன் டவர் திரைப்படத்தை உருவாக்கிய அனுபவம் எனக்கு மிகவும் மனநிறைவை அளித்துள்ளது. தயாரிப்பாளர் ராணா டகுபதி முதல் திரைக்கதை எழுத்தாளர் சூனி தாராபோரேவாலா வரை, அரவிந்த் அடிகாவின் அற்புதமான புத்தகத்தை அடிப்படையாகக் கொண்டு உருவாக்கப்பட்ட இந்தப் படத்தில் பணியாற்றிய ஒவ்வொருவரும் சிறப்பான பங்களிப்பை வழங்கியுள்ளனர். குறிப்பாக, இந்தத் திரைப்படத்தில் முதன்முறையாக இணைந்து பணியாற்றிய இந்தியத் திரையுலகின் இரண்டு ஜாம்பவான்களான மனோஜ் மற்றும் போமன் ஆகியோரின் நடிப்பைப் பார்ப்பது மிகவும் மகிழ்ச்சியளிக்கும் அனுபவமாக இருந்தது. கடினமான காலகட்டங்களில் குடும்பத்தையும் சமூகத்தையும் எவ்வாறு ஒன்றாகப் பாதுகாப்பது என்பதைப் பற்றிய அவசரத் தேவையுள்ள கதையாக லாஸ்ட் மேன் இன் டவர் அமைந்துள்ளது. காலப்போக்கில் இந்தக் கதை இன்னும் அதிகப் பொருத்தம் கொண்டதாக மாறியுள்ளது.”
மனோஜ் பாஜ்பாய் கூறியதாவது, “லாஸ்ட் மேன் இன் டவர் திரைப்படத்தில் என்னைக் கவர்ந்தது யோகேஷ் மிஸ்ரா கதாபாத்திரத்தின் சிக்கலான தன்மைதான். தனது நம்பிக்கைகளில் உறுதியாக நிற்கும் ஒரு மனிதராக அவர் இருந்தாலும், அவர் செய்வது சரியா அல்லது தவறா என்ற கேள்வியை இந்தக் கதை பார்வையாளர்களிடம் எழுப்புகிறது. ஒரு நடிகராக, இந்தத் தெளிவற்ற தன்மை எனக்கு மிகவும் சுவாரஸ்யமாக இருந்தது. ஏனெனில், பிடிவாதம், பலவீனம் மற்றும் தனது வீடு, அதில் நிறைந்திருக்கும் நினைவுகள் மீதான ஆழமான பற்று எனப் பல்வேறு பரிமாணங்களைக் கொண்ட கதாபாத்திரத்தை ஆராய இது எனக்கு வாய்ப்பளித்தது. மும்பை போன்ற நகரத்தில், மறுமேம்பாடு என்பது அன்றாட வாழ்க்கையின் ஒரு பகுதியாக மாறிவிட்டது. பழக்கமான கட்டடங்கள் தொடர்ந்து புதிய கட்டடங்களுக்கு வழிவிடும் சூழலில், இந்த மாற்றத்தின் பின்னால் இருக்கும் மனித உணர்வுகளைப் பற்றி இத்திரைப்படம் பேசுகிறது. குடும்பங்களுக்கு அதன் அர்த்தம் என்ன, அவர்கள் விட்டுச் செல்லும் நினைவுகள் என்ன, புதிதாகத் தொடங்குவதில் இருக்கும் நிச்சயமற்ற தன்மை அல்லது உற்சாகம் என்ன என்பதையும் எடுத்துரைக்கிறது. லாஸ்ட் மேன் இன் டவர் திரைப்படம் ஹிந்தி ZEE5-ல் வெளியாகவிருப்பதில் மகிழ்ச்சி அடைகிறேன். இதன் மூலம் அதிகமான பார்வையாளர்கள் இந்தக் கதையைப் பார்த்து, அவர்களைப் பொறுத்தவரை வீடு என்பது உண்மையில் எதைக் குறிக்கிறது என்பதைச் சிந்திக்க ஒரு வாய்ப்பு கிடைக்கும். அது நான்கு சுவர்களா அல்லது அந்தச் சுவர்களுக்குள் வாழும் மனிதர்களா?”
திவ்யா தத்தா கூறியதாவது, “லாஸ்ட் மேன் இன் டவர் திரைப்படத்தில் என்னைக் கவர்ந்தது, மனிதர்களின் இயல்புகளையும் அவர்கள் எடுக்கும் முடிவுகளையும் சரி, தவறு என்ற எளிய கண்ணோட்டத்தில் பார்க்காமல் ஆராயும் விதம்தான். ஒவ்வொருவருக்கும் அவர்களுக்கெனச் சொந்தமான சூழ்நிலைகள், எதிர்பார்ப்புகள் மற்றும் அவர்கள் செயல்படும் விதத்திற்கான காரணங்கள் உள்ளன. இதுவே இந்த மோதலை மிகவும் நெருக்கமானதாகவும் தொடர்புபடுத்திக் கொள்ளக்கூடியதாகவும் மாற்றுகிறது. குறிப்பாக, எனது கதாபாத்திரத்திற்குக் கிடைத்த வரவேற்பு எனக்கு மிகவும் மகிழ்ச்சியளிக்கிறது. பார்வையாளர்கள் அந்தக் கதாபாத்திரத்தின் ஆக்ரோஷமான செயல்களை ஏற்றுக்கொள்ளாமல் இருந்திருக்கலாம். ஆனால், அவர் எந்தச் சூழ்நிலையில் இருந்து வருகிறார், அவரது முடிவுகளுக்குப் பின்னால் இருக்கும் காரணங்கள் என்ன என்பதைப் புரிந்துகொண்டார்கள். ஒரு நடிகையாக, பார்வையாளர்கள் ஒரு கதாபாத்திரத்துடன் தங்களைத் தொடர்புபடுத்திக் கொள்வதும், அதன் செயல்களுடன் உடன்படாவிட்டாலும் அந்தக் கதாபாத்திரத்தைப் புரிந்துகொள்வதும் மிகவும் மகிழ்ச்சியளிக்கிறது. இப்போது இந்த அடுக்குகளைக் கொண்ட, சிந்திக்கத் தூண்டும் திரைப்படம் ஹிந்தி ZEE5-ல் வெளியாகி, இன்னும் அதிகமான பார்வையாளர்களைச் சென்றடையவிருப்பதில் மகிழ்ச்சி அடைகிறேன்.”
ஸ்பிரிட் மீடியா தயாரிப்பாளர் ராணா டகுபதி கூறியதாவது, “லாஸ்ட் மேன் இன் டவர் ஒரு ஆழமான மனிதநேயக் கதை. நாம் எடுக்கும் முடிவுகள் மற்றும் நாம் எதையெல்லாம் இறுக்கமாகப் பற்றிக்கொண்டிருக்கிறோம் என்பதை இந்தத் திரைப்படம் ஆராயும் விதத்தில் ஒரு தனித்துவமான ஈர்ப்பு உள்ளது. மனோஜ், திவ்யா, போமன் ஆகியோர் தலைமையிலான ஒட்டுமொத்த நடிகர் குழுவினரும் தங்களது கதாபாத்திரங்களுக்கு அற்புதமான ஆழத்தை அளித்துள்ளனர்.”
ZEE5 பற்றி:
ZEE5 என்பது இந்தியாவின் மிகப்பெரிய உள்நாட்டில் உருவாக்கப்பட்ட வீடியோ ஸ்ட்ரீமிங் தளமாகவும், தெற்காசிய உள்ளடக்கங்களுக்கான உலகளாவிய தளமாகவும் விளங்குகிறது. 190-க்கும் மேற்பட்ட நாடுகளில் உள்ள பார்வையாளர்களைச் சென்றடையும் ZEE5, Zee Entertainment Enterprises Ltd. நிறுவனத்தின் டிஜிட்டல் பொழுதுபோக்கு தளமாகும். ஏழு மொழிகளான ஹிந்தி, தமிழ், தெலுங்கு, மராத்தி, மலையாளம், கன்னடம் மற்றும் பெங்காலி ஆகியவற்றில் மொழிக்கு முன்னுரிமை அளிக்கும் தள அனுபவம், உள்ளூர் தேவைகளுக்கு ஏற்ற உள்ளடக்கங்கள், மொழி சார்ந்த சந்தாக் கட்டணத் திட்டங்கள் மற்றும் தனிப்பயனாக்கப்பட்ட அனுபவங்கள் ஆகியவற்றை வழங்குவதைத் தனது நோக்கமாகக் கொண்டு செயல்படுகிறது.
இந்தியாவின் துணிச்சலான கதைகளுக்கான தளமாக விளங்கும் ZEE5, பல்வேறு மொழிகள் மற்றும் வகைகளில் அசல் படைப்புகள், பிரபலமான தொடர்கள் மற்றும் தனித்துவமான கதைசொல்லல் ஆகியவற்றை ஒருங்கிணைத்து வழங்குகிறது. திரைப்படங்கள், தொடர்கள், நேரடி விளையாட்டு ஒளிபரப்புகள், செயற்கை நுண்ணறிவு மூலம் உருவாக்கப்படும் கதைசொல்லல், அனிமேஷன் மற்றும் குழந்தைகளுக்கான பொழுதுபோக்கு எனப் பல்வேறு உள்ளடக்கங்களைக் கொண்ட விரிவான தொகுப்புடன், உலகம் முழுவதும் உள்ள இந்தியர்களுக்கான பன்மொழிப் பொழுதுபோக்கு மற்றும் நேரடி விளையாட்டு அனுபவங்களின் தளமாக ZEE5 திகழ்கிறது.
2034-ம் ஆண்டு வரை FIFA உடன் Zee Entertainment மேற்கொண்டுள்ள நீண்டகாலக் கூட்டாண்மை மூலம், 2026 மற்றும் 2030 FIFA உலகக் கோப்பை™ உள்ளிட்ட FIFA-வின் முக்கிய கால்பந்துப் போட்டிகளையும் இந்தியாவில் ZEE5 தளம் ஒளிபரப்புகிறது.